Böyük Britaniyanın "Transport for London" şirkətinin mütəxəssisləri Birinci Avropa Oyunlarında təhlükəsizliyin təminatı ilə bağlı metropoliten polisinin əməkdaşları ilə treninqlərə başlayıb.

Bakı Metropolitenindən Axar.az-a verilən məlumata görə, 5 gün davam edəcək seminarlarda "Transport for London"un infrastruktur məsələləri və əməliyyat üzrə proqram direktoru Corc Makaynalti (George McInulty) və mütəxəssis Hyu Makkey (Hugh Mackay) London metrosunun təcrübəsi ilə bölüşərək, xüsusi proqram əsasında seminarlar keçirir, bu dövrdə işin təşkili və idarə olunması prinsiplərindən söz açır, tövsiyələrini verirlər.

Qeyd edək ki, təlimlər eyni zamanda "Bakı Metropoliteni" QSC-nin digər əməkdaşları üçün də təşkil ediləcək.