12-28 iyun tarixlərində keçiriləcək birinci Avropa Oyunlarının məşəli 43 gün ərzində 60 rayonu səyahət edib.

Axar.az xəbər verir ki, estafetdə ümumilikdə 1000-dən çox məşəlçi iştirak edib. Məşəl yer üzərində avtobus, funikulyor, velosiped, yer altında Bakı metrosu, suda qayıq, havada isə təyyarə ilə daşınıb.

Məşəlin ilk səfəri Naxçıvan, son səfəri isə Bakı olub.

İyunun 7-də Dənizkənarı Milli Parkdakı "Sadko" limanında Azərbaycan Prezidenti İlham Əliyev məşəli qəbul edib. O, daha sonra birinci Avropa Oyunlarının məşəlini Böyük Vətən Müharibəsinin veteranı Fatma Səttarovaya ötürüb.

Bununla da məşəlin 5 günlük Bakı estafeti başlayıb.

Qeyd edək ki, ilk Avropa Oyunlarının açılış mərasimi iyunun 12-də keçiriləcək. Açılış mərasiminə bir sıra ölkələrin dövlət və hökumət rəsmilərinin qatılacağı gözlənilir.