Avropa Oyunlarında iştirak edən Rusiya nümayəndə heyətinin rəhbəri İqor Kazikov rus və ukraynalı idmançılar arasında baş verən dava ilə bağlı yayılan məlumatları təkzib edib.

Axar.az xəbər verir ki, Kazikov bununla bağlı TASS-a açıqlama verib.

"Heç bir dava baş verməyib", - nümayəndə heyətinin rəhbəri deyib.

Qeyd edək ki, idmançılar arasında davanın baş verməsi barədə məlumat ötən gün yayılıb. İdmançıların şəhərdə emosiyalarını saxlaya bilməyərək əlbəyaxa olduğu deyilirdi. Davanın qarşısını hüquq mühafizə orqanlarının müdaxiləsi ilə almaq olub.

Xatırladaq ki, Avropa Oyunlarının açılış mərasimi iyunun 12-də baş tutacaq. Yarışlar iyunun 28-dək davam edəcək. Oyunlarda 253 dəst medal uğrunda 6 min idmançı mübarizə aparacaq.