Axar.az
Yuxarı

Bakı 2015: Rəsmi açılış mərasimi başa çatdı - Video

Ana səhifə Bakı 2015
12 Punto 14 Punto 16 Punto 18 Punto

20:24

Bakı 2015 İlk Avropa Oyunlarında möhtəşəm açılış mərasimi başladı.

Axar.az xəbər verir ki, Azərbaycan Prezidenti İlham Əliyev, Bakı 2015 İlk Avropa Oyunlarının Təşkilat Komitəsinin sədri Mehriban Əliyeva və digər rəsmi şəxslər də Olimpiya stadionuna təşrif buyurub.

Bir neçə dəqiqədən sonra Salamlama mərhələsinə start veriləcək.

Qeyd edək ki, rəsmi qəbulda Türkiyə Prezidenti Rəcəb Tayyib Ərdoğan, Serbiya Prezidenti Tomislav Nikoliç, Monteneqro Prezidenti Filip Vuyanoviç, Bosniya və Herseqovinanın Rəyasət Heyətinin sədri Mladen İvaniç, Belarus Prezidenti Aleksandr Lukaşenko, Türkmənistan Prezidenti Qurbanqulu Berdiməhəmmədov, Tacikistan Prezidenti Emoməli Rəhmon, Lüksemburq Hersoqluğunun Böyük Hersoqu Anri, Monako Knyazlığının şahzadəsi II Albert, San-Marinonun dövlət başçıları - Kapitan regentləri Andrea Bellutsi və Roberto Venturini, Bolqarıstanın Baş naziri Boyko Borisov, Gürcüstanın Baş naziri İrakli Qaribaşvili, Qırğızıstanın Baş nazirinin birinci müavini Tayrıbek Sarpaşov, Çexiya Parlamentinin Deputatlar Palatasının sədri Yan Hamaçek, Slovakiya Parlamentinin sədri Peter Pelleqrini, Avstriya parlamentinin ikinci Prezidenti Karlhaynts Kopf, Latviya Parlamenti sədrinin müavini Andrey Klementiyev, Meksika Senatının xarici əlaqələr komitəsinin sədri Qabriela Kuevas Barron, Ukrayna Dövlət Fiskal Xidmətinin sədri, Ukrayna Ali Radasının Ukrayna-Azərbaycan parlamentlərarası əlaqələr üzrə qrupun başçısı Roman Nasirov, Qətərin Olimpiya Komitəsinin sədri Şeyx Cəuan bin Həməd Əl Tani, Səudiyyə Ərəbistanı Krallığının Şahzadəsi Abdullah bin Mosaad, Küveytin informasiya və gənclər naziri Şeyx Salman Əl-Hamoud Əl Sabah, Türkmənistanın Nazirlər Kabineti sədrinin müavini, xarici işlər naziri Rəşid Meredov, Türkiyənin xarici işlər naziri Mövlud Çavuşoğlu, Oman Sultanlığının idman işləri naziri şeyx Səad bin Məhəmməd bin Səid Əl-Mərduf Əl-Sədi, İran İslam Respublikasının idman və gənclər naziri Mahmud Qudərzi, Türkiyənin energetika naziri Taner Yıldız, Böyük Britaniyanın xarici işlər nazirinin müavini və parlamentin üzvü Tobias Martin Elvud, Vatikanın mədəniyyət nazirinin müavini Luis Marie Vilyam Sançez De Toca, İSESCO-nun baş direktoru Əbdüləziz Osman Əl-Tüveycri, Latviyanın sabiq Prezidenti Valdes Zatlers və digər yüksək səviyyəli qonaqlar iştirak ediblər.

20:50

Mərasimin aparıcısı Murad Dadaşov hal-hazırda rəsmi açılış mərasimi üçün son hazırlıqların görüldüyünü bildirilib. Təxminən 15 dəqiqə sonra açılış mərasimi start götürəcək.

***

Mərasim Alim Qasımovun ifasıyla başlayıb. Daha sonra isə "Natiq" ritm qrupunun müşayiəti ilə Azərbaycan xalçalarının naxışlarını xatırladan möhtəşəm görüntü meydanın ortasında əks olunmağa başladı.

21:05

Silahlı Qüvvələrimizin 11 üzvü Dövlət bayrağını dalğalandırır. Hal-hazırda Olimpiya Stadionunda Dövlət himnimiz səsləndirilir. Himnimizin sədaları altında isə Azərbaycan bayrağı ucaldıldı.

21:12

Paraolimpiya çempionu İlham Zəkiyev sonuncu məşəli Olimpiya Stadionuna gətirdi.

***

Bu dəqiqələrdə səhnəcik göstərilir. Azərbaycanın görkəmli şairi Nizami Gəncəvinin "Leyli və Məcnun" poeması canlandırılıb. "Miniatür Bağı" adı verilən bu səhnə tamaşaçılar tərəfindən böyük maraqla qarşılanıb.

***

Avropa Oyunlarında iştirak edəcək idmançılar təmsil olunduqları bayraqlarla Koroğlu uverturasının müşayiəti ilə stadiona daxil olurlar.

21:12

Albaniya, Almaniya, Andorra, Ermənistan, Avstriya, Belarus, Belçika, Bosniya, Bolqarıstan, Xorvatiya, Kipr, Çexiya, Danimarka, Estoniya, Finlandiya, Makedoniya, Fransa, Gürcüstan, Almaniya, Böyük Britaniya, Macarıstan, İslandiya, İrlandiya, İsrail, İtaliya, Kosovo, Latviya, Lixtenşteyn, Litva, Lüksemburq, Malta, Moldova, Monako, Monteneqro, Hollandiya, Norveç, Polşa, Portuqaliya, Rumıniya, Rusiya, San Marino, Serbiya, Slovakiya, Sloveniya, İspaniya, İsveç, İsveçrə, Türkiyə, Ukrayna komandaları tribunaların önündən keçirlər.

Ən sonda isə alqış sədaları altında Azərbaycan idmançıları tamaşaçıları salamlayırlar.

***

Məşhur müğənni Ledi Qaqa səhnədə çıxış edir.

***

Stadiona Avropa Olimpiya Komitəsinin bayrağı gətirildi.

***

Azərbaycanın birinci xanımı, Bakı 2015 Avropa Oyunlarının təşkilatçısı Mehriban Əliyeva çıxış edir. Mehriban Əliyeva açılış münasibətilə Azərbaycan xalqını təbrik edib:

"Əziz həmvətənlər! I Avropa Oyunlarının açılışı mərasiminə görə bütün Azərbaycan xalqını səmimi qəlbdən təbrik edirəm. Bu möhtəşəm bayram hər bir azərbaycanlının qələbəsidir. Bu gün burada yeni səhifə yazılır. Bu səhifəni müstəqil Azərbaycan xalqı yazır. Qoy Tanrı Azərbaycanı hər zaman qorusun! Əziz dostlar, bu axşam biz Avropanın idman tarixində yeni fəslə qədəm qoyuruq. Azərbaycan fəxr edir ki, ilk Avropa Oyunları ölkəmizdə keçirilir. Mən Avropa Oyunları Komitəsinə və onun prezidenti Patrik Hgikkiyə minnətdarlığımı bildirmək uistəyirəm. Mən həmçinin Beynəlxalq Olimpiya Komitəsinin prezidentinə Azərbaycan idmanına verdikləri dəstəyə görə minnətdaram. Biz 2017-ci ildə İslam Həmrəyliyi Oyunlartını keçirəcəyik.

Son 24 ildə ölkəmizdə inkişaf, irəliləyiş baş verib. Biz bu oyunblara cəmi iki il yarım vaxt ərzində hazırlaşdıq. Bir çox yerli və xarici könüllülərə minnətdarlığımı bildiririəm. Bu axşam bizAvropanın 6 min ən yaxşı atletini ölkəmizdə salamlayırıq.

Mən bu oyunlara qəlbən bağlandığınıza görə, sizə təşəkkür edirəm! Azərbaycana xoş gəlmisiniz!"

***

Daha sonra Avropa Olimpia Komitəsinin Prezidenti Patrik Hikki çıxış edərək Azərbaycan xalqını bayram münasibəti ilə təbrik etdi.

22:40

Azərbaycan Prezidenti İlham Əliyev I Avropa Oyunlarını açıq elan etdi.

22:52

I Avropa Oyunlarının məşəli alovlandırıldı.

23:02

I Avropa Oyunlarının rəsmi açılış mərasimi başa çatdı.

Tarix
2015.06.12 / 23:02
Müəllif
Axar.az
Şərhlər
Digər xəbərlər

Bakıda könüllülərin yürüşü başladı - Foto

Prezident və xanımı adından könüllülərə təşəkkürnamə

Kolin Gibsondan Azərbaycan nazirliyinə təşəkkür

Rusiyalı menecer: “Biz sizləri yaxşı tanımamışıq...”

Qızıl medalçımız özünə maşın aldı - Foto

Joze Manuel: “Biz ilk dəfə Bakıda güclü göründük”

"Azərbaycan öz qüdrətini dünyaya göstərdi"

Azərbaycanlılar Bakı-2015-in nəticəsindən razıdır - Sorğu

Avropadan Bağırova məktub gəldi

Prezident Karl Ştoss: “Təşəkkürlər, Bakı!”

KULT
<>
Xəbər xətti
  
  
  
yatsan
Axar.az'da reklam Bağla
Reklam
Bize yazin Bağla