Axar.az
Yuxarı

Bakı 2015: Rafael Ağayev də qızıl medal qazandı

Ana səhifə Bakı 2015
12 Punto 14 Punto 16 Punto 18 Punto

I Avropa Oyunlarında karate yarışları davam edir.

Axar.az xəbər verir ki, artıq bu gün seçmə mərhələnin birinci dövriyyəsi başa çatıb. Aralarında bir qadın, 3 kişi idmançımız olmaqla bir azdan yarımfinal mərhələlərinə start veriləcək.

Tatami üzərində kumite yarışları üzrə 50 kq çəkidə qadınların yarışı başlayacaq. Türkiyə təmsilçisi Özçelik Serap Ukrayna təmsilçisi Kryva Katerynanı sınağa çəkəcək. Bu cütlüyün qalibi finalda Avstriya təmsilçisi Plank Bettina və Fransa təmsilçisi Alexandra Recchia duelinin qalibi ilə qarşılaşacaq.

Daha sonra 55 kq çəkidə mübarizə aparan qadınların kumite yarışının yarımfinal mərhələsi davam edəcək. Həmyerlimiz İlahə Qasımova fransalı Emili Thouy ilə qarşılaşacaq. Bu cütlüyün qalibi finalda ispan təmsilçi Kristina Qarsia Ferrer və xorvatiyalı xanım idmançı Yelena Kovaçeviç mübarizəsindən qalib ayrılanla qarşılaşacaq.

Qadınların bugünki yekun yarımfinal mərhələsi 61 kq çəki ilə yekunlaşacaq. Qırımız kəmərlə mübarizə aparan fransalı qadın idmançı Lusi İqnasiya xorvatiyalı xanım idmançı Ana Lenardı sınağa çəkəcək. Bu çəkidə digər qarşılaşma isə azarkeşlər üçün daha maraqlıdır. Belə ki, türkiyəli Çoban Mervə finala çıxmaq üçün sloveniyalı Tjasa Ristiki məğlub etməlidir.

Kişilər arasında Kumite -60kq çəkidə yarımfinal mərhələsi isə böyük səbirsizliklə gözlənilir. Həmyerlimiz Firdovsi Fərzəliyev finalda yarışmaq üçün Makedoniya idmançısı Emil Pavlovu sınağa çəkəcək. Finalın digər adı isə italiyalı Luka Mareska ilə Serbiya idmançısı Marko Antik duelindən sonra aydınlaşacaq.

Kişilər arasında Kumite -67kq çəkidə yarımfinal qarşılaşması da maraqla gözlənilir. Azərbaycanlı idmançı Niyazi Əliyev qızıl medalı qazanmaq üçün türkiyəli idmançı Burak Uyğuru məğlub etməlidir. Eyni çəkidə digər görüş isə fransalı Stiven Da Kosta ilə alman idmançı Rikardo Qieqler arasında baş tutacaq.

15:40

Yarımfinal mərhələsində tatami üzərinə birinci Türkiyə təmsilçisi Sərap Özçelik və Ukrayna təmsilçisi Katerina Kriva çıxıb.

Gərgin keçən mübarizədə türkiyəli təmsilçi qalib gələrək finala adlayıb.

15:42

50 kq çəkidə kumite yarışları üzrə finalın digər iştirakçısı da məlum olub.

Avstriya təmsilçisi Plank Bettina və Fransa təmsilçisi, son dünya çempionu Alexandra Recchia üz-üzə gəlib. Qırmızı kəmərdə yarışan Plank Bettina yarışa fəal başlayıb. O, 2:0 hesabı ilə qalib gəlib.

***

55 kq çəkidə mübarizə aparan qadınların kumite yarışının yarımfinal mərhələsinə start verilib.

Həmyerlimiz İlahə Qasımova fransalı, son Avropa çempionu Emili Thouy ilə qarşılaşıb. Döyüş fransalı idmançının böyük hesablı qalibiyyəti ilə başa çatıb: 1:6

Xatırladaq ki, Emili Thouy finalda ispan təmsilçi Kristina Qarsia Ferrer və xorvatiyalı xanım idmançı Yelena Kovaçeviç mübarizəsindən qalib ayrılanla qarşılaşacaq.

15:52

55 kq çəkidə mübarizə aparan qadınların final qarşılaşmasının növbəti adı məlum olub.

İspan təmsilçi Kristina Qarsia Ferrer xorvatiyalı xanım idmançı Yelena Kovaçeviç ilə qarşılaşıb. Sonuncu 2:1 hesabı ilə qalib gələrək finala adlayıb.

15:59

Kişilər arasında Kumite-60 kq çəkidə yarımfinal mərhələsinə start verilib.

Böyük səbrsizliklə gözlənilən bu qarşılaşmada həmyerlimiz Firdovsi Fərzəliyev finalda yarışmaq üçün tatami üzərinə çıxıb. Makedoniya idmançısı, Balkan çempionu Emil Pavlov ilə qarşılaşan həmyerlimiz hesabda geri olsa da, hakimlər tərəfindən döyüşün qalibi elan olunub.

Xatırladaq ki, F.Fərzəliyev finalda italiyalı Luka Mareska ilə Serbiya idmançısı Marko Antik duelindən qalib ayrılanla döyüşəcək.

16:08

Kişilər arasında Kumite-60 kq çəkidə yarımfinal mərhələsində italiyalı Luka Mareska Serbiya idmançısı Marko Antiki 6:0 hesabı ilə məğlub edib.

Qeyd edək ki, Luka Mareska finalda azərbaycanlı idmançı Firdovsi Fərzəliyevlə görüşəcək.

16:16

Kişilər arasında Kumite-67 kq çəkidə yarımfinal mərhələsində Azərbaycan karateçisi Niyazi Əliyev türkiyəli idmançı Burak Uygura 4:1 hesabı ilə məğlub olub.

16:25

Kişilər arasında Kumite-67 kq çəkidə yarımfinal qarşılaşmasında fransalı Stiven Da Kosta alman idmançı Rikardo Qieqleri məğlub edib.

16:40

61 kq çəki üzrə yekun yarımfinal mərhələsinə start verilib. Qırmızı kəmərlə mübarizə aparan, son dünya və Avropa çempionu fransalı qadın idmançı Lusi İqnasiya xorvatiyalı xanım idmançı Ana Lenardı sınağa çəkib. Döyüş fransalı idmançının 1:0 hesablı qələbəsi ilə başa çatıb.

16:41

61 kq çəki üzrə sonuncu qarşılaşma baş tutub. Türkiyəli idmançı Çoban Mervə finala çıxmaq üçün sloveniyalı Tjasa Ristiki ilə üz-üzə gəlib. Görüş türkiyəli idmançının böyük üstünlüyü ilə keçib. 6:0 hesabı ilə qalib gələn Ç.Mervə finala adlayıb.

16:55

75 kq çəkidə mübarizə aparan kişi karateçilərin yarımfinal mərhələsinə start verilib.

Türkiyə təmsilçisi Eltemur Erman İtaliya təmsilçisi Luica Busa ilə qarşılaşıb.

Gərgin gedən döyüşdə ilk öncə İtaliya imdançısı Luica Busa 3 xal qazansa da Türkiyə komandasının baş məşqçisi sonuncu vuruşa təkrar baxılmasını tələb etdi, tələb hakimlər tərəfindən müsbət cavablandırıldı və Türkiyə təmsilçisinə də 1 xal verildi.

Türkiyə təmsilçisi Eltemur Erman yenidən 2 xal qazanaraq hesabı bərabərləşdirdi.

Bu görüşün qalibi İtaliya təmsilçisi Luica Busa oldu və o, finala vəsiqə qazandı.

17:00

Rəfael Ağayev almaniyalı idmançı Noah Bitçi məğlub edərək, finala adlayıb. Onun finalda rəqibi italiyalı Luica Busa olacaq.

17:12

Karate üzrə ilk bürünc medalın sahibi bilindi.

Axar.az xəbər verir ki, karate üzrə 50 kq çəkidə mübarizə aparan Ukrayna idmançısı Katerina Kriva və Fransa idmançısı Alexandra Recchia qarşılaşıb. Sonuncu qalib gələrək bürünc medala yiyələnib.

17:14

Karate üzrə 50 kq çəkidə mübarizə aparan qadın idmançıların qızıl medalçısı məlum olub.

Tatami üzərində türkiyəli idmançı Özçelik Serap və Avstriyalı idmançı Bettina Plank qarşılaşıb. Türkiyə idmançısı qalib gələrək I Avropa Oyunlarının qalibi olub.

17:29

Bürünc medal uğrunda 55 kq çəkidə azərbaycanlı idmançı İlahə Qasımova və İspaniya təmsilçisi Qarsia Ferrer 5:2 hesabıyla məğlub edərək bürünc medalın sahibi oldu.

17:39

Karate üzrə 55 kq çəkidə Xorvatiya təmsilçisi Yelena Kovaceviç Fransa təmsilçisi, 2015-ci il Avropa Çempionu olmuş Emili Toya məğlub oldu. Emili Toy qızıl medalı sahibi oldu.

18:04

Kişilər arasında Kumite-60 kq çəki dərəcəsində bürünc medalın sahibi müəyyənləşib.

Makedoniya təmsilçisi Emil Pavlov Serbiya idmançısı Marko Antiklə üz-üzə gəlib. Görüşdə Makedoniya təmsilçisi qalib gələrək bürünc medalın sahibi olub.

18:12

Azərbaycanlı idmançı Firdovsi Fərzəliyev özünün italiyalı rəqibini 4:0 hesabı ilə məğlub edərək, qızıl medalın sahibi oldu.

18:20

Azərbaycanlı idmançı Niyazi Əliyev özünün almaniyalı rəqibini 3:1 hesabı ilə məğlub edərək bürünc medalın sahibi oldu.

18:35

Kişilər arasında Kumute 67 kq çəki dərəcəsində final görüşü keçirilib.

Türkiyə təmsilçisi Burak Uyğur Fransa idmançısı Stiven Da Kosta ilə qarşılaşıb. Türkiyə idmançısı qalib gələrək turnirin baş mükafatını qazanıb.

19:12

75 kq dərəcəsində mübarizə aparan kareteçimiz Rafael Ağayev finalda italiyalı idmançı Luici Busa ilə görüşür.

19:18

Kişilər arasında Kumite -75kq çəki dərəcəsində qızıl medalın sahibi məlum olub.

Həmyerlimiz Rafael Ağayev İtaliya idmançısı Luiqi Busa ilə qarşılaşıb. Qələbə çalan həmyerlimiz qızıl medala sahib olub.

Tarix
2015.06.13 / 19:18
Müəllif
Şəmsəddin, Nilufər
Şərhlər
Digər xəbərlər

Bakıda könüllülərin yürüşü başladı - Foto

Prezident və xanımı adından könüllülərə təşəkkürnamə

Kolin Gibsondan Azərbaycan nazirliyinə təşəkkür

Rusiyalı menecer: “Biz sizləri yaxşı tanımamışıq...”

Qızıl medalçımız özünə maşın aldı - Foto

Joze Manuel: “Biz ilk dəfə Bakıda güclü göründük”

"Azərbaycan öz qüdrətini dünyaya göstərdi"

Azərbaycanlılar Bakı-2015-in nəticəsindən razıdır - Sorğu

Avropadan Bağırova məktub gəldi

Prezident Karl Ştoss: “Təşəkkürlər, Bakı!”

KULT
<>
Xəbər xətti
  
  
  
yatsan
Axar.az'da reklam Bağla
Reklam
Bize yazin Bağla