Bakı-2015 I Avropa Oyunlarında triatlon üzrə yarışların qalibi bəlli olub.

Axar.az xəbər verir ki, qadınlar arasında keçirilən yarışlarda isveçrəli Nikola Spiriq bütün rəqiblərini qabaqlayıb. O, finiş xəttinə 2 saat 28 saniyədən sonra çataraq qızıl medal qazanıb. Nikola dağ velosipedi idmanında ən güclü olan Yolanda Neffdən sonra ölkəsi üçün 2-ci çempionluğu əldə edib.

Məsafəni 2 saat 1 dəqiqə 44 saniyəyə qət edən hollandiyalı Rayçel Klamer gümüş mükafat qazanıb. 3-cü yeri ondan 2 saniyə geri qalan isveçli Liza Norden tutub.

Azərbaycanın yeganə təmsilçisi, 26 yaşlı Kseniya Levkovska finişə 2 saat 5 dəqiqə 47 saniyəyə çatıb. O, bu nəticə ilə 17-ci yeri tutub.

Qeyd edək ki, sabah kişi triatlonçuların yarışı keçiriləcək.