Yunan-Roma yarışlarında 71 kiloqram çəki dərəcəsində mübarizə aparan güləşçimiz Rəsul Çunayev final görüşündə macarıstanlı Balint Korpasi üzərində 4:2 hesabı ilə qələbə qazanmasının ardınca Prezident İlham Əliyevi salamlaması diqqət çəkib.

Axar.az xəbər verir ki, Avropa Oyunlarında ilk qızıl medalımızı qazanan Çunayev Heydər Əliyev adına İdman Arenasına toplaşan azarkeşlərə unudulmaz anlar yaşadıb. Azərbaycan bayrağı ilə arenada dövrə vuran güləşçimiz daha sonra bayrağa bürünərək, Ali Baş Komandanın önünə əsgər yerişi ilə gələrək salam verib.

Ali Baş Komandan İlham Əliyevin döyüş əmrinə hazır olduğunu göstərən qızıl medallı güləşçimizin bu jesti tamaşaçılar tərəfindən alqışlarla qarşılanıb.