Bu gün Avropa Oyunlarında qadınlar arasında sərbəst üsuldə güləş yarışlarına start verilir.

Axar.az xəbər verir ki, xanım güləşçilər bu gün 4 çəki dərəcəsində mübarizə aparacaq.

48 kq

Mariya Stadnik sərbəst üsulla güləşdə Portuqaliya nümayəndəsi Liliana Kosta Dos Santosla görüşəcək. İdmançımız saat 10:21-də döşək üzərinə çıxacaq.

55 kq

Natalya Sinişin İtaliyadan Patrisia Luizzi ilə 1/8 finalda üzləşəcək. Görüş saat 10:00-da başlayacaq.

60 kq

Yuliya Ratkeviç 60 kq çəki dərəcəsində Bolqarıstandan Talbe Yusinlə görüşəcək. Güləşçilər xalça üzərinə saat 10:14-də çıxacaq.

69 kq

Nadia Muşka isə 69 kq çəki dərəcəsində Rusiyadan Natalya Vorobyova ilə görüşəcək. Görüş 10:49-da başlayacaq.

10:04

Sərbəst güləş üzrə 55 kq çəki dərəcəsində çıxış edən Natalya Sinişin italiyalı Patrisia Luizzə 4-0 qalib gələrək 1/4 finala yüksəlib.

10:11

Sərbəst güləş üzrə 60 kq çəki dərəcəsində çıxış edən Yuliya Ratkeviç Bolqarıstandan Talbe Yusinlə görüşür.

10:17

Güləşçimiz rəqibinə 4-1 məğlub olub.

***

Sərbəst güləş üzrə 48 kq çəki dərəcəsində çıxış edən Mariya Stadnik Portuqaliya nümayəndəsi Liliana Kosta Dos Santosla qarşılaşır.

10:20

Güləşçimiz rəqibini 4-1 məğlub edərək növbəti mərhələyə adlayıb.

11:10

Sərbəst güləş üzrə 55 kq çəki dərəcəsində çıxış edən Natalya Sinişin 1/4 finalda türkiyəli Gün Bediha ilə qarşılaşıb. Görüş güləşçimizin 5-0 qələbəsi ilə başa çatıb. Natalya Sinişin yarımfinala yüksəlib.

***

Sərbəst güləş üzrə 69 kq çəki dərəcəsində çıxış edən güləşçimiz Nadia Muşka rusiyalı Natalya Vorobyova ilə qarşılaşıb. Görüş güləşçimizin 3-0 məğlubiyyəti ilə başa çatıb.

11:25

Sərbəst güləş üzrə 48 kq çəki dərəcəsində çıxış edən Mariya Stadnik 1/4 finalda fransalı Culiya Sabati ilə qarşılaşıb. Stadnik rəqibinə 4-0 qalib gələrək yarım finala yüksəlib.

***

Sərbəst güləş üzrə 55 kq çəki dərəcəsində çıxış edən Natalya Sinişin yarımfinalda isveçli Sofia Matsonla qarşılaşıb. Görüş güləşçimizin 3-1 məğlubiyyəti ilə başa çatıb.

11:50

Sərbəst güləş üzrə 48 kq çəki dərəcəsində çıxış edən Mariya Stadnik yarımfinalda polşalı İvona Matkovska ilə qarşılaşıb. Stadnik rəqibinə 5-0 qalib gələrək finala yüksəlib.

***

Sərbəst güləş üzrə 48 kq çəki dərəcəsində çıxış edən Mariya Stadnik finalda bolqarıstanlı Elitsa Yankova ilə görüşəcək. Final qarşılaşması bu gün saat 19:14-də baş tutacaq.

***

Sərbəst güləş üzrə 55 kq çəki dərəcəsində çıxış edən Natalya Sinişin isə bürünc medal uğrunda ukraynalı Tatyana Kitlə görüşəcək. Qarşılaşma bu gün saat 19:28-də keçiriləcək.

19:17

Sərbəst güləş üzrə 48 kq çəki dərəcəsində çıxış edən Mariya Stadnik finalda bolqarıstanlı Elitsa Yankova ilə görüşür.

19:21

Sərbəst güləş üzrə 48 kq çəki dərəcəsində çıxış edən Mariya Stadnik finalda bolqarıstanlı Elitsa Yankova ilə görüşüb və vaxtından əvvəl qələbə qazanaraq (12-1) olimpiya çempionu olub.

19:37

Sərbəst güləş üzrə 55 kq çəki dərəcəsində çıxış edən Natalya Sinişin isə bürünc medal uğrunda ukraynalı Tatyana Kitlə görüşür.

19:46

Sərbəst güləş üzrə 55 kq çəki dərəcəsində çıxış edən Natalya Sinişin isə bürünc medal uğrunda ukraynalı Tatyana Kitlə qarşılaşıb. Görüş təmsilçimizin 10-0 hesablı qələbəsi ilə yekunlaşıb.