Bakı-2015 Birinci Avropa Oyunlarında Heydər Əliyev adına İdman Sarayında keçirilən sərbəst güləş üzrə yarışlarda dava düşüb.

Trend xəbər verir ki, 57 kq çəki dərəcəsində yarımfinal mərhələsində qarşılaşan Gürcüstan təmsilçisi Vladimir Xvinçeqaşvili və Belarus təmsilçisi Vladislav Andereyev arasında dava düşüb. Görüşün ortasında bir-birinə kəllə və yumruq atan idmançıları hakim və məşqçilər ayırıblar.

Bundan sonra mübarizə saxlanılıb. Münsiflərin qərarı ilə hər iki idmançı diskvalifikasiya edilərək yarışlardan uzaqlaşdırılıblar. Hər iki tərəfin etirazlarına baxmayaraq, onların etirazı qəbul edilməyib və güləşçilər zalı tərk etməyə məcbur olublar.

Qərara əsasən, hər iki idmançı diskvalifikasiyaya məruz qalıb və bu çəkidə həmyerlimiz Yaşar Əliyevi yarımfinalda məğlub edən rusiyalı Lebedev çempion adına sahib çıxıb.