09:49

Bu gün Bakı-2015-də sərbəst güləş yarışlarının son görüşləri baş tutacaq.

Axar.az xəbər verir ki, 4 çəki dərəcəsində güləşçilərimiz mübarizə aparacaq.

61 kq çəki dərəcəsində təmsilçimiz Hacı Əliyev 1/8 finalda erməni Valodiya Franqulyanla görüşəcək. Qarşılaşma saat 10:49-da başlayacaq.

70 kq çəki dərəcəsində Ruslan Dibirhacıyev 1/8 finalda bolqar Miroslav Kirovla polşalı Maqomedmurad Hacıyevin qalibi ilə görüşəcək.

86 kq çəki dərəcəsində təmsilçimiz Nurmaqomed Hacıyev 1/8 finalda bolqarıstanlı Georgi Sredkovla üz-üzə gələcək. Qarşılaşma saat 10:56-da başlayacaq.

125 kq çəki dərəcəsində Camaləddin Maqomedov ilk görüşünü litvalı Yonas Rudaviçiusla keçirəcək. Qarşılaşma saat 10:21-də başlayacaq.

10:30

Camaləddin Maqomedov ilk görüşdə litvalı Yonas Rudaviçiusu 4-0 udaraq 1/8 finala yüksəlib.

10:56

Hacı Əliyev 1/8 finalda erməni Valodiya Franqulyanla görüşür.

11:07

Görüş Əliyevin 3-0 qələbəsi ilə başa çatıb.

***

Nurmaqomed Hacıyev 1/8 finalda bolqarıstanlı Georgi Sredkovla üz-üzə gəlib. Görüş Hacıyevin 4-1 hesablı qələbəsi ilə başa çatıb.

11:45

Camaləddin Maqomedov 1/8 finalda türkiyəli Taha Akgüllə görüşüb. Təmsilçimiz 3-1 məğlub olub.

12:14

Ruslan Dibirhacıyev 1/8 finalda polşalı Maqomedmurad Hacıyevlə görüşüb. O, rəqibinə 3-1 məğlub olub.

***

Nurmaqomed Hacıyev 1/4 finalda rusiyalı Əbdülrəşid Sadulayevlə qarşılaşıb. Görüş Hacıyevin 4-1 məğlubiyyəti ilə başa çatıb.

12:21

Hacı Əliyev 1/4 finalda slovak Mykola Bolotnyukla görüşüb. Qarşılaşma Əliyevin 4-0 qələbəsi ilə başa çatıb və o, yarımfinala yüksəlib.

***

Hacı Əliyev yarımfinalda rus Aleksandr Boqomoyevlə qarşılaşacaq. Görüş 12:41-də start götürəcək.

13:27

Hacı Əliyev yarımfinalda rus Aleksandr Boqomoyevlə qarşılaşıb. O, rəqibinə 3-1 məğlub olub. Əliyev bürünc medal uğrunda mübarizə aparacaq.

***

Nurmaqomed Hacıyev təsəlliverici mərhələdə italiyalı Zuz Tudorla görüşüb. O, rəqibini 4-0 məğlub edib. Hacıyev bürünc medal uğrunda mübarizə aparacaq.

13:30

Camaləddin Maqomedov təsəlliverici mərhələdə polşalı Baran Robertlə qarşılaşıb. O, rəqibini 4-0 məğlub edib. Maqomedov bürünc medal uğrunda mübarizə aparacaq.

14:51

Hacı Əliyev bürünc medal uğrunda türkiyəli Aktaş Munir Rəcəblə mübarizə aparacaq. Görüş bu gün 19:00-da baş tutacaq.

***

Nurmaqomed Hacıyev bürünc medal uğrunda polşalı Radoslav Marcinkyeviçzlə görüşəcək. Qarşılaşma bu gün saat 20:00-da start götürəcək.

***

Camaləddin Maqomedov bürünc medal uğrunda slovak Soslan Qaqloyevlə mübarizə aparacaq. Qarşılaşma bu gün 20:52-də başlayacaq.

***

Ruslan Dibirhacıyev bürünc medal uğrunda gürcü Davit Tlaşadze ilə mübarizə aparacaq. Qarşılaşma bu gün 19:28-də gerçəkləşəcək.

​19:00

Hacı Əliyev bürünc medal uğrunda türkiyəli Aktaş Munir Rəcəblə mübarizə aparır.

19:06

Hacı Əliyev bürünc medal uğrunda türkiyəli Aktaş Munir Rəcəblə görüşdü, güləşçimiz rəqibinə (10-2) qalib gələrək bürünc mükafata sahib çıxdı.

19:40

Ruslan Dibirhacıyev bürünc medal uğrunda gürcü Davit Tlaşadze ilə qarşılaşır.

19:47

Ruslan Dibirhacıyev bürünc medal uğrunda gürcü Davit Tlaşadzeyə qalib gəldi.

20:10

Nurmaqomed Hacıyev bürünc medal uğrunda polşalı Radoslav Marcinkyeviçzlə görüşür.

20:18

Hacıyev bürünc medal uğrunda polşalı Radoslav Marcinkyeviçzə son saniyələrdə məğlub oldu.

20:56

Camaləddin Maqomedov bürünc medal uğrunda slovak Soslan Qaqloyevlə mübarizə aparır.

21:05

Maqomedov bürünc uğrunda slovak rəqibinə qalib gəldi (7-2).