Birinci Avropa Oyunları çərçivəsində keçirilən yunan-roma güləşi yarışları maraqlı görüntülərlə yadda qalıb.

Axar.az ölkə.az-a istinadən xəbər verir ki, 75 kiloqram çəki dərəcəsində mübarizə aparan gürcü güləşçisi Zurab Datunaşvili 1/8 finalda türkiyəli rəqibi E.Kusa möhtəşəm fənd tətbiq edib. Görüşün bitməsinə bir neçə saniyə qalmış gürcü idmançı gözlənilmədən rəqibin başının üzərindən tullanaraq arxasına keçib və onu parter vəziyyətinə salıb.

Qeyd edək ki, bu çəki dərəcəsində yarışın qalibi Azərbaycan güləşçisi Elvin Mürsəliyev olub. Mürsəliyev yarımfinalda məhz Datunaşviliyə qalib gəlmişdi.