11:02

TASS informasiya agentliyi Xankəndidə rusiyalı marinist rəssam İvan Ayvazovskinin abidəsinin sökülməsi ilə bağlı yazının sərlövhəsində dəyişiklik edib.

Axar.az xəbər verir ki, agentlik “Stepanakert” sözünü “Xankəndi” yox, “Dağlıq Qarabağ” ifadəsi ilə əvəzləyib.

Xatırladaq ki, artıq Azərbaycan Respublikası ərazisində “Dağlıq Qarabağ” adlı yer yoxdur. Hətta Azərbaycan Prezidenti İlham Əliyev də Azərbaycanda “Dağlıq Qarabağ” adlı inzibati ərazi vahidinin olmadığını vurğulayıb.

***

TASS informasiya agentliyi rəssam İvan Ayvazovskinin abidəsinin sökülməsi ilə bağlı yazının sərlövhəsində növbəti dəyişiklik edib.

Agentlik bir müddət öncə yayımladığı yazının sərlövhəsindəki "Dağlıq Qarabağ" ifadəsini "Qarabağ"la əvəzləyib.

Amma yazının mətnində "Stepanakert", "arsax" ifadələrini hələ də saxlayıb.

Qeyd edək ki, dünən TASS informasiya agentliyi “Stepanakertdə Ayvazovskinin abidəsi söküldü” sərlövhəli yazı etmişdi. Azərbaycan Xarici İşlər Nazirliyi də xəbərdarlıq edərək, TASS informasiya agentliyindən bu məsələdə üzrxahlıq və müvafiq düzəliş edilməsini gözlədiyini bildirmişdi.