ABŞ üçün antirusiya sanksiyaları məsələsi onsuz da həssas mövzu idi, indi isə Amerika prezidentinin tələbləri səbəbindən bu məsələ Avropada Rusiya ilə tərəfdaş olan Çinlə münasibətlərin gərginləşməsi təhlükəsini yaradır.

Axar.az xəbər verir ki, bu barədə “Le Monde” nəşri yazıb.

Nəşr qeyd edir ki, Tramp Moskva ilə münasibətləri qaydaya salmağa çalışır və Avropa müttəfiqlərinin tələblərinə baxmayaraq, sanksiyaları tətbiq etməkdə tələsmir. Avropalılar bunu Rusiyanı Ukraynaya qarşı müharibəni dayandırmağa məcbur etməyin vasitəsi kimi görürlər.

“Tramp bildirib ki, yalnız bütün NATO ölkələri eyni qərarı qəbul etdikdən və bütün NATO ölkələri Rusiyadan neft alışı dayandırdıqdan sonra Rusiya əleyhinə ciddi sanksiyalar tətbiq etməyə hazırdır. Həmçinin o, Çin mallarına qarşı 50%-dən 100%-ə qədər gömrük rüsumları tətbiq etməyə çağırıb.

Avropada bu tələblər dəstək tapmır. Avropa Birliyi Ağ Ev sahibinin Çin idxalına gömrük rüsumlarının artırılması ilə bağlı şərtləri ilə razılaşa bilmir. Bu, o demək deyil ki, biz heç bir tədbir görməməliyik, amma hələlik həddindən artıq gömrük rüsumları tətbiq etmək olmaz”, – deyə Avropa diplomatı əmin edib.

“Avropalıların Tramp ilə Çinə qarşı birləşəcəyini görmürəm. Avropalılar Pekinlə münasibətlərdə Vaşinqtona güvənməkdə çox çətinlik çəkirlər. Çinlə bağlı siyasətimizin ABŞ-dan asılı olması dəhşətli olardı”, – deyə Siyasi Araşdırmalar İnstitutunun Beynəlxalq Araşdırmalar Mərkəzinin direktoru Stefani Balm deyib.