ABŞ Mərkəzi Asiyanı prioritet bölgə hesab edir.

Axar.az xəbər verir ki, bu barədə Atlantik Konsul Beyin Mərkəzinin Avrasiya Şöbəsinin Baş direktoru Con E.Herbst noyabrın 18-də Bakıda keçirilən Azərbaycan-ABŞ Beyin Mərkəzlərinin I Forumunda bildirib.

C.E Herbst vurğulayıb ki, Prezident Donald Tramp özünü sülh təsisçisi kimi təqdim edir və bu, əsassız deyil:

“Onun təşəbbüsləri çərçivəsində 9 münaqişənin həlli istiqamətində iş aparılır ki, onlardan biri də Azərbaycan–Ermənistan münaqişəsidir. ABŞ Mərkəzi Asiyanı strateji prioritet bölgə hesab edir. Bu baxımdan Vaşinqtonda keçirilən C5+1 sammitindən sonra Bakıda forumun təşkil olunması təsadüfi deyil. Yaxın gələcəkdə platforma Azərbaycanın qoşulması ilə C6+1 formatına çevriləcək və bu, tərəflər arasında əlaqələrin əhəmiyyətini daha da artırır”.