Axar.az
Yuxarı

Axar.Az Logo

BMT-də Azərbaycanla bağlı - Hesabat

Ana səhifə Gündəm
12 Punto 14 Punto 16 Punto 18 Punto

Oktyabrın 20-21-də Cenevrədə BMT-nin İnsan Hüquqları üzrə Komitəsinin 118-ci sessiyası çərçivəsində Mülki və Siyasi Hüquqlar haqqında Beynəlxalq Paktın həyata keçirilməsinə dair Azərbaycan Respublikasının dördüncü dövri hesabatına baxılıb.

Xarici İşlər Nazirliyinin mətbuat xidmətindən Axar.az-a bildirilib ki, sessiyada ölkəmiz Azərbaycan Respublikası Prezidentinin Sərəncamına uyğun olaraq xarici işlər nazirinin müavini Xələf Xələfovun rəhbərlik etdiyi nümayəndə heyəti ilə təmsil olunub.

X.Xələfov açılış nitqi ilə Azərbaycanın dövri hesabatını təqdim edib. O, ölkəmizdə insan hüquqlarının və əsas azadlıqların təmin edilməsi sahəsində mövcud olan qanunvericilik, görülən işlər və bu istiqamətə yönəldilmiş səylər barədə ətraflı məlumat verib. Nazir müavini sentyabrın 26-da keçirilmiş referendumun nəticəsində Azərbaycan Respublikasının Konstitusiyasına edilmiş düzəlişlərin insan hüquqları və azadlıqlarının daha da möhkəmləndirilməsi, səmərəli və çevik dövlət idarəçiliyi mexanizminin formalaşması, iqtisadi islahatların səmərəliliyinin təmin edilməsi baxımından əhəmiyyətini vurğulayıb. O, həmçinin Prezident İlham Əliyevin Azərbaycan Respublikasının Dayanıqlı İnkişaf üzrə Milli Əlaqələndirmə Şurasının yaradılması haqqında Fərmanı, "Vətəndaşların müraciətləri haqqında" və "İctimai iştirakçılıq haqqında" qanunlar barədə, habelə "Açıq hökumətin təşviqinə dair 2016-2018-ci illər üçün Milli Fəaliyyət Planı"nın təsdiq edilməsi haqqında geniş məlumat verib.

Bununla yanaşı, X.Xələfov məhkəmə sisteminin təkmilləşdirilməsi, korrupsiyaya qarşı mübarizə və şəffaflığın artırılması, insan alverinin qarşısının alınması, məişət zorakılığı ilə mübarizə, miqrasiya və vətəndaş cəmiyyətinin təşviqi sahələrində həyata keçirilən tədbirlər barədə danışıb. O, həmçinin qaçqınların və məcburi köçkünlərin sosial-iqtisadi şəraitlərinin yaxşılaşdırılması istiqamətində görülmüş işlərdən bəhs edib.

Nazir müavini ölkəmizdə dini tolerantlıq və millətlərarası münasibətlərin daha da gücləndirilməsi və inkişafı məqsədilə Azərbaycan Respublikası tərəfindən həm milli, həm də beynəlxalq səviyyədə görülən tədbirlər barədə məlumat verib, Azərbaycan Respublikası Prezidentinin təşəbbüsü ilə keçirilən və mədəniyyətlərarası dialoqun təşviqi məqsədini daşıyan "Bakı prosesi" və dövlətimizin başçısının təşəbbüsü ilə aprelin 25-27-də Bakıda keçirilmiş BMT-nin Sivilizasiyalar Alyansının VII Qlobal Forumu barədə danışıb.

X.Xələfov ərazimizin 20 faizinin hələ də Ermənistanın işğalı altında qalmasını və işğalın insan hüquqlarının qorunması sahəsində Azərbaycan Respublikasının üzərinə götürdüyü öhdəliklərin yerinə yetirilməsində əsas maneə olduğunu qeyd edib. Ermənistanın Azərbaycana qarşı hərbi təcavüzünün davam etdiyini bildirən nazir müavini Ermənistan tərəfindən müharibə cinayətlərinin və Xocalı soyqırımının törədildiyini, həmçinin insan hüquqlarının və beynəlxalq humanitar hüquq normalarının kobud şəkildə pozulduğunu, azərbaycanlı mülki əhaliyə qarşı pis rəftarların, müxtəlif işgəncələrin, çoxsaylı edamların edildiyini vurğulayıb.

Komitə üzvləri nümayəndə heyətimizin yüksək səviyyədə təmsil olunmasını, Azərbaycanın komitə ilə əməkdaşlığını, Beynəlxalq Paktın həyata keçirilməsi sahəsində əldə olunmuş nailiyyətləri, bu sahədə qanunvericilik tədbirlərini, Ermənistan-Azərbaycan, Dağlıq Qarabağ münaqişəsi ilə bağlı verilmiş məlumatları, ölkədə milli birliyin mövcudluğunu, qadın hüquqları sahəsində görülmüş işləri, əfv fərmanlarını, eləcə də irqçiliyə qarşı mübarizə, multikulturalizmin inkişafı və mədəni müxtəlifliyə töhfə verilməsini təqdir ediblər.

Sessiya zamanı ölkəmizdə insan hüquqlarının təmin olunması ilə bağlı komitə üzvləri tərəfindən nümayəndə heyətinə ünvanlanmış suallar aidiyyəti üzrə və dolğun şəkildə cavablandırılıb. Tədbir interaktiv dialoq formasında keçib.

Tarix
2016.10.21 / 18:49
Müəllif
Axar.az
Şərhlər
Digər xəbərlər

Azərbaycan ruslar üçün dost ölkələr siyahısında - Sorğu

Bunu heç kim bacarmazdı, yalnız Heydər Əliyev…

İlham Əliyev Ərdoğanı Füzuli rayonunda qarşıladı - Foto

NATO Zirvəsindən sonra Şuşaya gedirik - Kalın

Türkiyə MN: Pis gündə də, yaxşı gündə də...

Əliyevin qayıdışı: Azərbaycan 28 il öncə nələrdən qurtuldu?

Bayraqdar: Türkiyə bizik, Anadolu bizik, Azərbaycan bizik

Cıdır düzündə tarixi günə hazırlıq - Video

Putin və Bayden Qarabağı müzakirə edəcək

İsrail Azərbaycana mina tapan aparat verir? - Ekspertlər

KULT
<>
Xəbər xətti
  
  
  
yatsan
Axar.az'da reklam Bağla
Reklam
Bize yazin Bağla