Danimarkadakı "Vətən" cəmiyyətinin sədri Səxər Sadiqi ilə Danimarka Sosial Demokrat Partiyasının təmsilçisi, xanım deputat Yıldız Akdoğan arasında görüş keçirilib.

"Skandinaviya Ölkələri ilə Mədəni və Elmi Əlaqələr" İctimai Birliyinin sədri Nazim Əhmədli AzərTac-a bildirib ki, görüşdə Y.Akdoqana Azərbaycanla bağlı kitablar hədiyyə olunub.

Görüşdə Danimarka parlamentində "Azərbaycanın dostları" adlı deputat qrupunun yaradılması ilə bağlı təklif səsləndirilib. Bildirilib ki, məqsəd Danimarka parlamentinin deputatlarına Bakıda Azərbaycanla bağlı daha dolğun məlumat vermək və ölkəmizin haqq səsinin dünyaya çatdırılmasına yardımçı olmaqdır.

Azərbaycanı çox sevdiyini söyləyən deputat, səsləndirilən təklifi yüksək qiymətləndirib.

Qeyd edim ki, Yıldız Akdoğan üçüncü dəfədir Sosial Demokrat Partiyasından Danimarka parlamentinə deputat seçilir.