Rusiya bir tərəfdən forpostu Ermənistanı silahlandırır, o biri tərəfdən isə Dağlıq Qarabağ məsələsinin danışıqlar yolu ilə həllini irəli sürür.

Bu sözləri Axar.az-a açıqlamasında millət vəkili, politoloq Rasim Musabəyov deyib. Deputat bildirib ki, hər bir halda Rusiya ilə dil tapmalıyıq:

“Ermənistanı danışıqlar prosesindən kənara atmaq qeyri-realdır. Rusiya prosesdə vasitəçi rolunda çıxış etsə də, biz çox yaxşı bilirik ki, ermənilərin arxasında Rusiya dayanır. Azərbaycan Rusiya ilə müəyyən məsələləri bilavasitə danışır. Ancaq ümumiyyətlə, Ermənistanı bu danışıqlardan kənarlaşdırmaq mümkün olan məsələ deyil. Azərbaycan danışıqları birbaşa olmasa da, Rusiya ilə aparır”.