Bu ilin aprel ayında işğalçı Ermənistan Azərbaycanın nəyə qadir olduğunu öz üzərində hiss etdi.

Milli Məclisin mətbuat xidmətindən Axar.az-a verilən məlumata görə, bunu Milli Məclisin sədri Oqtay Əsədov Türkiyə Böyük Millət Məclisinin sədri İsmayıl Qəhrəmanın başçılıq etdiyi nümayəndə heyətini qəbul edərkən deyib.

O qeyd edib ki, Azərbaycan problemin sülh yolu ilə həllinə tərəfdardır: “İnanırıq ki, gec-tez bu məsələ öz ədalətli məntiqi nəticəsini tapacaq”.

İ.Qəhrəman isə Dağlıq Qarabağ məsələsində Türkiyənin hər zaman Azərbaycanın ərazi bütövlüyünü dəstəklədiyini söyləyərək, problemin tezliklə öz həllini tapacağına inamını ifadə edib.