Təbrizdə seçkilər zamanı Şəhər Şurasına namizədlərin tərəfdarları arasında yaranan qarşıdurmaya görə 35 nəfər təhlükəsizlik qüvvələri tərəfindən saxlanılıb.

Axar.az xəbər verir ki, bu barədə Şərqi Azərbaycan Ədliyyə Şöbəsinin rəisi Hikmətəli Müzəffəri açıqlama yayıb. Saxlanılan şəxslərin hamısının buraxıldığını deyən H.Müzəffəri bu barədə geniş məlumat verməkdən yayınıb:

“Təhlükəsizlik qüvvələri nizam-intizamı qorumaq məqsədi ilə onları saxlayıb, lakin artıq hamısı zəmanətə buraxılıb. Onlarla bağlı məhkəmə prosesi başlayacaq”.

O, həmçinin əlavə edib ki, seçkilər günü Təbrizdə rəsmi orqanlardan birinin məmuru dövlət avtomobili ilə prezidentliyə namizədlərin birinin təbliğat bannerini daşıyıb və həmin şəxs təhlükəsizlik qüvvələri tərəfindən saxlanılıb, bir müddət sonra isə sərbəst buraxılıb.