21:59

İraq-Şam İslam Dövləti" (İŞİD) qüvvələri bu gün İraqın Diyala əyalətində daha 2 yaşayış məntəqəsini ələ keçiriblər.

İŞİD qüvvələri Diyala əyalətinin inzibati mərkəzi olan Baakübə şəhərindən 60 km şimalda yerləşən Əl Azım şəhərini və Baakübədən 50 km şimal-şərqdə yerləşən Əs Səədiyyə şəhərini ələ keçiriblər. Dinc əhali kütləvi şəkildə adı çəkilən şəhərləri tərk edir. Məlumata görə, terrorçular qeyd olunan şəhərlərdə hökumət binalarını nəzarətə alaraq, məmurları binaları tərk etməyə qoymurlar.

Bundan başqa, Kərkük şəhərinin ətrafındakı Əl Bəşir rayonunda kürd özünümüdafiə dəstələri və İŞİD qüvvələri arasında şiddətli döyüşlərin getdiyi bildirilir. Ölənlərin sayı barədə hələlik məlumat verilmir.

APA

23:52

İraqın Səlahəddin şəhərinə bağlı daha üç kənd "İraq Şam İslam Dövləti" təşkilatının əlinə keçib.

Axar.az xəbər verir ki, İŞİD terrorçu qruplaşması Diyala əyalətindən sonra türkmanların yaşadığı Çardağlı, Biravcılı və Qaranaz kəndlərində də nəzarəti ələ alıb. Kəndlilərlə İŞİD arasında baş verən qarşıdurma iki saat davam edib və sonda kənd təslim olub.