"Atlant" ailəvi istirahət və əyləncə mərkəzində Azərbaycan hərbçilərinin matəmi ilə əlaqədar olaraq avqustun 2-si və 3-ü tarixlərində diskoteka və digər əyləncələr dayandırılacaq.

Axar.az xəbər verir ki, bu haqda məlumat Feysbuk sosial şəbəkəsində paylaşılan fotoda yazılıb.

Fotoda yazılanları olduğu kimi təqdim edirik:

"Turistlərin nəzərinə! Azərbaycanın işğal olunmuş əraziləri boyu Ermənistan qoşunları tərəfindən atəşkəsin pozulması nəticəsinə şəhid olmuş Azərbaycan hərbçilərinin matəmi ilə əlaqədar olaraq 02 və 03 avqust 2014-cü il tarixlərində "Atlant" ailəvi istirahət və əyləncə mərkəzində diskoteka və digər əyləncələr dayandırılacaq".

Xatırladaq ki, bir neçə gün bundan qabaq Nabranda yerləşən "Atlant" istirahət mərkəzində xoşagəlməz insidentin baş verməsi haqda mətbuatda xəbərlər yayılmışdı.