Axar.az
Yuxarı

Gürcü politoloq: “Bakı İrəvanın mövcudluğuna son qoya bilər"

Ana səhifə Gündəm
12 Punto 14 Punto 16 Punto 18 Punto

"Ermənistan gücsüz, regionda heç bir mövqeyə malik olmayan vassal bir qurumdur".

Axar.az xəbər verir ki, bu fikirləri saytımıza ekskluziv açıqlamalarında əcnəbi politoloqlar Azərbaycan-Ermənistan təmas xəttində baş verən son hadisələri şərh edərkən deyiblər.

Azərbaycanlı oxucuların da yaxşı tanıdığı politoloq ukraynalı Oleq Panfilov vurğulayıb ki, gərginlik iki əsas səbəbdən qaynaqlanıb:

"Təmas xəttində baş verənləri iki əsas səbəblə əlaqələndirərdim – birincisi, Ermənistan öz daxilindəki sosial problemləri ört-basdır etmək istəyir. İkincisi isə, rəsmi İrəvanın havadarı olan Rusiya Ukrayna məğlubiyyətini əlavə münaqişə ocaqları, gərgin vəziyyətlər yaratmaqla kompensasiya etmək istəyir. Ən vacib məqam isə, sanksiyalardan sonra ağır zərbə alan Kremlin enerji layihələrinə görə Azərbaycanı zəiflətmək istəyidir. Hazırda bu, Rusiyanın ən ağrılı yeridir. Təsadüfi deyil ki, Rusiya son zamanlar bütün siyasətini münaqişələr yaratmaq, hərbi siyasət üzərində qurur. Siyasətçilərin çıxışlarını təhlil etsək, hər hansı danışıqlar prosesinin aparılmadığının və bütün yolların münaqişəyə yönləndirildiyinin şahidi olarıq".

Panfilov hadisələrin qarşıda hansı məcrada inkişaf edəcəyi məqamına da toxunub:

"Ağlı başında olan insanlar gözəl bilirlər ki, Ermənistanda Rusiyaya qarşı mövqe sərgiləyən şəxslər az deyil. Daimi gərginlik altında yaşamaq, əsrlərlə çiyin-çiyinə yaşadığın qonşulara qarşı pis münasibət sərgiləmək müsbət heç nə vəd etmir. Fikrimcə, proseslər müharibə həddinə gəlməyəcək. Problemin həlli üçün yeni təşəbbüslər meydana gələcək. Amma Moskvasız".

Krımın ilhaqından sonra Qərb Rusiyaya qarşı ciddi sanksiyalar tətbiq etdi. Panfilovdan nədən bunu Dağlıq Qarabağ münaqişəsinə görə Ermənistan qarşı tətbiq olunmadığını soruşduq:

"Cavab verməkdə çətinlik çəkirəm... Söhbət təkcə Qarabağdan deyil, həmçinin Rusiyanın burnunu soxduğu Gürcüstanın, Moldovanın üzləşdiyi problemlərdən də getməlidir. Fikrimcə, gec olmadan xuliqanlar layiqli cavablarını alacaqlar. İkincisi, nəhəng dövlətə qarşı müqavimət elə də asan məsələ deyil, amma düşünürəm ki, həmin məqam yetişib. Ermənistan da məcbur olacaq ki, sərgilədiyi regional siyasətində korrektələr, dəyişikliklər etsin. Ukrayna hadisələri imperiyanın məhvinin başlanğıcı oldu. Bununla da postsovet məkanındakı münaqişələrin obyektiv həllinin vaxtı yetişdi. Məlum avqust hadisələrinə görə Rusiyaya tutarlı sanksiyaların tətbiq olunmaması məqamına gəlincə, bəli, Almaniya müəyyən mərhələlərdə Kremli müdafiə etdi. Amma rəsmi Berlin indi anlamağa başlayıb ki, Rusiya ilə başqa dildə danışmaq lazımdır. Dağlıq Qarabağ münaqişəsinə görə Ermənistanın cəzalandırılmaması məsələsinə gəlincə, hesab edirəm ki, bu ölkə müstəqil və regional qüvvə deyil. İrəvan üçüncü ölkələrin istəyini, məramını və tapşırıqlarını həyata keçirir".

Suxumi Universitetinin professoru Quram Marxuliyanın da fikriləri oxşar oldu:

"Ukrayna hadisələri fonunda uğursuzluğa düçar olan Putin rejimi Cənubi Qafqazda mövqelərini möhkəmləndirmək üçün Dağlıq Qarabağ Ermənistan-Azərbaycan münaqişəsinə əl atdı. Səbəb həm də əməllərini diqqətdən yayındırmaqdır. Gürcüstanda çox ehtiyat edirlər ki, əgər ərazi bütövlüyünün bərpası üçün Azərbaycan irimiqyaslı müharibəyə başlayarsa, Ermənistan ordusu qısa bir müddətə darmadağın ediləcək və bir müttəfiqi kimi, məsələyə Rusiya müdaxilə edəcək. Əlavə qoşunların yeridilməsi üçün Moskvanın qurudan yalnız Gürcüstan üzərindən variantı mövcuddur. Ehtiyat edirik ki, Rusiya Gürcüstanı ilhaq edəcək. Bu da alınmasa, ölkənin cənubundakı və ermənilərin kompakt yaşadığı Samsxe Cavaxetiya bölgəsini ələ keçirəcək".

Marxuliya da Ermənistana sanksiyaların tətbiq olunmaması məqamına toxunub:

"Ermənistana sanksiyaların tətbiq olunmamsının kökündə mühüm amil durur – o da bu ölkənin dünya birliyi tərəfindən müstəqil bir dövlət kimi tanınmamasındadır. Bu ölkəyə qarşı sanksiyaların tətbiqini dilə gətirməyin özü gülməlidir. Ermənistan faktiki olaraq, Rusiyanın bir quberniyasıdır".

Azərbaycan-Ermənistan təmas xəttində baş verən hadisələrin hansı məcrada inkişaf edəcəyi sualına cavabında gürcü politoloq bunları deyib:

"Cənubi Qafqazda geosiyası mübarizə başa çatmaq üzrədir. Əlbəttə, Rusiya və ABŞ-ın nüfuz savaşı səbəbindən meydana gələn münaqişələrin yaxın vaxtda həlli qaçılmazdır. Başda prezident İlham Əliyev olmaqla Azərbaycan olduqca uğurlu və balanslaşdırılmış siyasət həyata keçirir. Son hadisələr də göstərdi ki, Azərbaycan nəinki öz torpaqlarını geri qaytara, hətta bir dövlət kimi, Ermənistanın mövcudiyyətinə son qoya bilər. Bu səbəbdən də Ermənistan prezidentlərin Soçidə görüşünü xahiş etdi".

Tarix
2014.08.04 / 13:59
Müəllif
Ruslan Məmmədoğlu
Şərhlər
Digər xəbərlər

"Le Temps": Azərbaycan Dağlıq Qarabağ məngəsini sıxır

Misir mediasında Ermənistanın bu siyasəti ifşa edildi

Stalinin ermənilərə saxta vətən yaradan qərarı - Foto

Bu ölkədə olan tək azərbaycanlı: Dünya niyə biganədir?

İrəvan Putini hədələdi: Nikolay kimi ailəsi ilə birgə... - Şok

İrəvan Moskvanı münaqişəyə cəlb edə bilərdi - Professor

SSRİ-nin süqutundan sonra Qarabağ... - “Eleftheros Typos”

Bu taksi sürücüləri daha hazırlıq keçməyəcək - Rəsmi

AKP-çi başqandan Azərbaycanla bağlı möhtəşəm addım

Qonşuda helikopter tələb edən silahlı şəxs təslim oldu

KULT
<>
Xəbər xətti
 
  
  
  
yatsan
Axar.az'da reklam Bağla
Reklam
Bize yazin Bağla