Tələbə Qəbulu üzrə Dövlət Komissiyası (TQDK) ötən gün ali məktəblərə qəbul olunan tələbələrin siyahısın açıqlayıb. Açıqlanan siyahıda tanınmış şəxslərin övladlarının da adı var.

Axar.az xəbər verir ki, əməkdar artist Naibə Allahverdiyava övladının tələbə adı qazanmasının sevincini yaşayıb. Onun qızı Məryəm 590 balla Azırbaycan Dillər Universitetinin ingilis və rus dili fakültəsinə qəbul olunub.

Tanınmış iqtisadçı ekspert, Azad İqtisadiyyata Yardım İctimai Birliyinin sədri Zöhrab İsmayılın qızı Humay da bu il tələbə adını qazanıb. Qəbul imtahanlarında 583 bal toplayan Humay Bakı Dövlət Universitetinin Hüquq fakültəsində təhsil alacaq.

"Bakılı Oğlanlar" klubunun kapitanı, mərhum Anar Məmmədxanovun qızı Azərbaycan Diplomatik Akademiyasının (ADA) Beynəlxalq münasibətlər fakültəsinə daxil olub.

"Yeni Müsavat" qəzetinin siyasi şərhçisi Azər Rəşidoğlunun qızı Ülkərin də adı tələbələr siyahısında yer alıb. 600 bal toplayan Ülkər Bakı Dövlət Universitetinin Tarix fakültəsinə daxil olub.

"Azadlıq" qəzetinin redaktoru Rövşən Hacıyevin qızı Gülər isə Azərbaycan Memarlıq və İnşaat Universitetinin memarlıq fakültəsinin tələbəsi adını qazanıb.

Daxili İşlər Nazirliyinin mətbuat xidmətinin rəis müavini Ehsan Zahidovun oğlu da bu il ali məktəbə daxil olub. Rəis müavinin oğlu Aslan Zahidov Polis Akademiyasında təhsil alacaq.

Tanınmış jurnalist, "Aktual.az" saytının rəhbəri Anar Yusifoğlunun qızı Aytən Yusifzadə Azərbaycan Tibb Universitetinin Müalicə işi fakültəsinə qəbul olunub. Bir neçə gün öncə isə jurnalistin oğlu Elnur Yusifzadə İstanbul Universitetinin Fəlsəfə fakültəsinin tələbəsi adını qazanmışdı.

Dövlət Sosial Müdafiə Fondunun mətbuat xidmətinin rəhbəri, jurnalist Əmrah Fəqanoğlunun oğlu Kənan yüksək balla Azərbaycan Dövlət Neft Akademiyasına qəbul olunub.

"Şərq" qəzetinin baş redaktoru Akif Aşırlının qızı Cəmilə isə Türkiyənin İstanbul Universitetinin tibb fakültəsinə daxil olub.

Moskvada yaşayan tanınmış azərbaycanlı jurnalist, ANS TV-nin keçmiş aparıcısı Xəyal Tağıyevin qızı da yenicə tələbə adını qazananlar sırasındadır. Jurnalistin qızı Moskva Dövlət Universitetinin hüquq fakültəsinə daxil olub.

Tələbə adı qazanan bütün abituriyentləri və onların valideynlərini təbrik edirik.