Ana səhifə Gündəm |
Rusiyada Prezident İlham Əliyevin gəlişinə həmişə şaddırlar. O, Rusiyanın böyük dostudur. Moskvada oxuyub, Rusiyanı yaxşı tanıyır, rus dilində gözəl danışır. Atasının rəhbərliyi zamanında olduğu kimi, onun prezidentliyi dövründə də münasibətlərimiz ardıcıl, uğurla və dinamik davam edir. Prezidentlər bunu bugünkü görüşdə aydın şəkildə dedilər. Onlar ötən il və bu ilin birinci rübündə əmtəə dövriyyəsinin kəskin artmasından məmnun qaldıqlarını bildirdilər.
Axar.az xəbər verir ki, bu sözləri Azərbaycan Prezidenti İlham Əliyevin və Rusiya Prezidenti Vladimir Putinin aprelin 13-də Moskvada keçirilən görüşündən sonra rusiyalı jurnalist, Rusiya televiziyasının aparıcı siyasi şərhçilərindən biri Vladimir Kondratyev Azərtac-ın müxbirinə müsahibəsində söyləyib.
Futbol üzrə dünya çempionatının keçirildiyi günlərdə Rusiyaya 1,5 milyon azarkeşin və bir çox siyasi xadimin gəldiyini qeyd edən jurnalist deyib: “Sevindirici haldır ki, Prezident İlham Əliyev futbol üzrə dünya çempionatının açılışında iştirak edəcək. O, Milli Olimpiya Komitəsinin prezidenti olduğu üçün, zənnimcə, futbolla da maraqlanır”.
Tarix
2018.06.13 / 21:33
|
Müəllif
Axar.az
|