İran Araz çayının çirkləndirilməsi barədə Ermənistana xəbərdarlıq edib.

Axar.az xəbər verir ki, bu barədə İranın Ətraf Mühit və Ekologiyanı Mühafizə Təşkilatının sədri Məsumə Ebtekar jurnalistlərə açıqlamasında deyib. O, Ermənistanı sərhəd çaylarının qorunmasına səy göstərməyə çağırıb:

"Ermənistan dövləti və digər dövlətlər bu çayların qorunmasında məsuliyyət daşıyırlar. Ermənistanın ekologiya naziri bir neçə ay öncə Tehrana səfər edib. O zaman biz onlardan bu xüsusda üzərlərinə öhdəlik götürmələrini istədik və Araz çayının çirkləndiricilərinin davamlı formada ölçülməsi barədə müştərək bir anlaşma sənədi imzaladıq. Amma araşdırmalardan aydın olur ki, bu çirkləndirmələr hələ də davam edir. Ermənistan bu çirkləndiricilərin qarşısını almalı və bu çayın təmizlənməsinə çalışmalıdır."