Ana səhifə Gündəm |
Gürcü xalqı ilə rus xalqı arasında heç bir münaqişə yoxdur, bizim münaqişəmiz rus hakimiyyəti ilədir.
Bu sözləri Axar.az-a gürcü ekspert Gela Vasadze son zamanlar ruslarla gürcülər arasında yaşanan qarşıdurmaları şərh edərkən deyib.
Onun sözlərinə görə, gürcü və rus xalqları arasında fikir ayrılığı yoxdur, əksinə, bu xalqlar arasında qarşılıqlı səmimiyyət və mehribanlıq var:
“Ruslar Gürcüstanda özünü çox yaxşı və rahat hiss edirlər. Bunu statistikalar da sübut edir, Gürcüstana köçən miqrantların 53 faizi ruslardır. Bu hələ yaşama icazəsi alan ruslardır. Sənədsiz yaşayan rusların sayı ən az bu göstəricinin üç qatıdır. Gürcüstan qanunvericiliyinə görə, ölkədə bir il qeydiyyatsız yaşamaq olar. İlin sonunda isə ölkəni tərk edib bir gündən sonra geri qayıtmaq kifayətdir.
Odur ki, bizim rus xalqı ilə heç bir problemimiz yoxdur, bizim münaqişəmiz Gürcüstanın 20 faiz torpağını işğal etmiş rus hakimiyyət orqanları ilədir. 1992-1993 və 2008-ci illərdə aparılan etnik təmizləmə siyasəti nəticəsində minlərlə gürcü öz evini itirdi, bəziləri isə öz canını.
Yeri gəlmişkən, Gürcüstana köçmüş Rusiya Federasiyasının vətəndaşlarının əksəriyyəti ölkəmizə dəstək verir və Kremli işğalçı hesab edir. Mən hələ Gürcüstan vəətəndaşı olan rusları demirəm”.
Tarix
2019.07.18 / 13:09
|
Müəllif
Rəfiqə Əlisəfa
|