Ana səhifə Gündəm |
Almaniyanın Münhen şəhərində səfərdə olan Azərbaycan
Prezidenti İlham Əliyev bu gün daha iki görüş keçirib.
Axar.az xəbər verir ki, İlham Əliyevin ilk görüşü Finlandiya
Prezidenti Sauli Niinistö ilə baş tutub.
Görüşdə Azərbaycan ilə Finlandiya arasında ikitərəfli əlaqələrin
inkişafından məmnunluq ifadə olunub. Ölkələrimizin bu əlaqələri
daha da genişləndirməkdə maraqlı olduğu bildirilib. Qarşılıqlı
səfərlərin və görüşlərin əhəmiyyəti vurğulanıb. Finlandiya
şirkətlərinin Azərbaycanda müxtəlif sahələrdə uğurlu fəaliyyəti
qeyd edilib, birgə müəssisələrin yaradılmasının önəmi diqqətə
çatdırılıb.
Söhbət zamanı Ermənistan-Azərbaycan, Dağlıq Qarabağ münaqişəsinin
həlli ilə bağlı fikir mübadiləsi aparılıb.
Prezidentin növbəti görüşü isə Əfqanıstan Prezidenti Məhəmməd Əşrəf
Qani ilə olub.
Görüşdə Azərbaycan ilə Əfqanıstan arasında ikitərəfli əlaqələrin
uğurla inkişaf etdiyi, qarşılıqlı təcrübə mübadiləsi apardığı qeyd
olunub.
Söhbət zamanı tikinti, nəqliyyat, kənd təsərrüfatı, yük daşımaları,
sərmayə qoyuluşu və digər sahələrdə layihələrin həyata keçirilməsi,
treninqlərin təşkili istiqamətində əməkdaşlığın genişləndirilməsi
imkanları barədə fikir mübadiləsi aparılıb.
Tarix
2015.02.07 / 17:42
|
Müəllif
Axar.az
|