Ana səhifə Gündəm |
"Nabukko"nun reallaşması imkansızdır".
Bu sözləri Axar.az-a açıqlamasında iqtisadçı İlham Şaban söyləyib.
O, hazırda "Nabukko"nun reallaşmamasının əsas səbəbi kimi bu layihənin gerçəkləşməsi üçün kifayət qədər resursun olmamasını göstərib:
"Təsəvvür edin ki, Türkmənistanın özü də Avropaya qaz satmaq istədiyini demir. Həmçinin o, hansısa tələbin altından qol çəkmir. Aşqabad sadəcə öz enerjisini diversifikasiya etmək istədiyini və belə bazarlardan birinin də Avropa olduğunu bildirir. Biz tranzit ölkəyik. Biz boru tikən və ya türkmən qazının alıcısı deyilik. Burada Avropa türkmən qazının alıcısı rolunda çıxış etməlidir. Məsələ burasındadır ki, Avropadan heç bir şirkəti, hətta "Nabukko" məsələsi aktiv olan zaman belə, türkmən qazının alıcısı kimi çıxış etməyib. Məsələn, Avropadan hansısa şirkət türkmən qazını almaq istədiyini desəydi, bunu artıq irəliyə atılmış addım hesab etmiş olardıq. Ancaq iş ondadır ki, indiyə qədər belə bir şey yoxdur. Yəni ortada hələlik nə alan var, nə də satan".
Tarix
2015.02.09 / 08:30
|
Müəllif
İlkin Həsənov
|