Yuxarı

ABŞ İrəvanı kəlbəcərli girovları azad etməyə çağırdı

Ana səhifə Gündəm
12 Punto 14 Punto 16 Punto 18 Punto

ABŞ Dövlət Departamenti dövlət katibinin Avropa və Avrasiya məsələləri üzrə köməkçisi Viktoriya Nulandın kəlbəcərli girovlar - Dilqəm Əsgərov və Şahbaz Quliyevlə bağlı Bakı və İrəvana səfəri çərçivəsində verdiyi bəyanata münasibət bildirib.

Musavat.com xəbər verir ki, bu barədə Dövlət Departamentinin rəsmi saytında yer alan məlumatda deyilir.

Belə ki, ABŞ Xarici siyasət idarəsinin mətbuat katibi Cennifer Psaki mətbuat konfransında müvafiq orqanları Ermənistanda saxlanılan məhbusları azad etməyə çağırıb. Sitat: "Bundan əvvəl biz ATƏT-ın Minsk Qrupundakı nümayəndəmiz Ceyms Uorlik vasitəsilə hər iki girovun Azərbaycan hökumətinə geri qaytarılması məsələsini dəstəkləmişik. Tərəflər humanitar jest olaraq, məhbusları qaytarmağın yollarını tapmalıdırlar. Bu humanitar jest gərginliyi azaltmaq və tərəflər arasında inam yaratmaq məqsədi daşıya bilər".

Yada salaq ki, ötən həftə Viktoriya Nuland həm Azərbaycan paytaxtında, həm də İrəvanda (bir qədər fərqli kontekstdə) "Ermənistan humanitar jest olaraq onları buraxmalıdır" açıqlamasını vermişdi. Amerikanın ən təcrübəli diplomatlarından sayılan xanım Nuland girovların geri qaytarılmasının sülh prosesinə müsbət təsir edə biləcəyini xüsusi vurğulamışdı.

Dövlət katibi köməkçisinin ardınca Minsk Qrupunun amerikalı həmsədri Ceyms Uorlik də Xankəndində, girovların saxlandığı yerdən cəmi bir neçə kilometr aralıda oxşar mövqeni əks etdirən açıqlama vermiş, "Gərginliyin artdığı bir vaxtda girovların qaytarılması kimi humanitar təşəbbüs danışıqlar üçün daha əlverişli atmosferin yaranmasına səbəb ola bilər" - söyləmişdi.

Onu da qeyd edək ki, Minsk Qrupunun digər həmsədr ölkəsi kimi Rusiya da bir neçə dəfə girovlarla bağlı bənzər mövqe ortaya qoyub. Ən birinci olaraq xarici işlər naziri Sergey Lavrov bu yöndə xoş məram nümayiş etdirib, hətta məsələ ilə əlaqədar erməni tərəfi ilə müzakirə aparacaqlarını söyləyib.

Son olaraq bunu Rusiya XİN nümayəndəsi Aleksandr Lukaşeviç mətbuata açıqlamasında həmin yanaşmanı bir daha təsdiqləyib: "Nazir Sergey Lavrovun da dediyi kimi, bu məsələ erməni həmkarlarımızla müzakirə olunacaq".

Beləcə, girovların taleyi ilə bağlı iki ən mühüm həmsədr ölkənin iradəsi ortadadır.

Şübhə yox ki, onların qətiyyəti yetərli olarsa, bu iş xeyli sürətlənə, soydaşlarımız azad oluna bilər. ABŞ Dövlət Departamentinin işğalçı tərəfə ünvanlı çağırışı bu yöndə ümidləri artırır. Hərçənd, bir daha xatırladaq ki, erməni tərəfi "məhkəməni" dünya birliyi tərəfindən tanınmayan qondarma qurumun ərazisində aparmaqla və girovların boynuna olmayan qətl hadisəsini qoymaqla geri addım üçün faktiki surətdə imkan saxlamayıb, özlərini qəlizə salıb.

Üstəlik, az qala hər həftə isterik bəyanatlar verirlər ki, heç bir mübadilədən söhbət gedə bilməz, "uzaqbaşı Dilqəm Əsgərovu Ramil Səfərovla dəyişə bilərik" kimi sərsəm açıqlamalar səsləndirirlər...

Sabah fevralın 26-sı - Xocalı soyqırımının ildönümü günü soydaşlarımızın "apelyasiya şikayəti"nə baxılacaq. Bəs "məhkəmə" ABŞ və Rusiya rəsmilərinin mövqeyini, o sırada Dövlət Departamentinin çağırışlarını ciddiyə alacaqmı? Erməni "femidası" özü-özünü saldığı hüquqi bataqlıqdan çıxmağa cəhd edəcəkmi?

Bir gün də gözləyək. Ancaq erməni KİV-lərində bu mövzuda neçə gündür hökm sürən isterika, hətta xanım Nulandın humanist jesti ilə bağlı onun Ermənistan mətbuatında aşağılanmaqda davam etməsi hələ ki, nikbinlik üçün əsasların sanballı olmadığını göstərir. Hərgah, bunu çarəsizlikdən doğan hikkəli davranış da saymaq mümkündür. Ən azı ona görə ki, söhbət sıradan olan bir dövlətdən yox, ABŞ kimi supergücün iradəsi və çağırışından gedir.

Tarix
2015.02.25 / 09:39
Müəllif
Axar.az
Şərhlər
Digər xəbərlər

Qarabağda hansı addımı atdıqsa, qarşımıza... - Ərdoğan

Əli Əsədov qərar imzaladı

Kremldə gərginlik: “Krokus” terrorundan sonra Paşinyan...

Yeni Kaledoniyada Azərbaycan bayrağı qaldırıldı - Video

Bu görüş Cənubi Qafqazda müharibə riskini artırır

Paşinyan terrorla hədələnir - İrəvanda nə baş verir?

Bakının informasiyası var: 5 apreldə nə baş verəcək?

Bakıya qarşı şər ittifaqı qurulur: cavabı olacaq - Video

Konsert zalının qapıları niyə bağlı olub? - Emin açıqladı

Bakıda xanım jurnalistlə şəkli - Musəvi İranda tənqid edildi

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla