09:09

Bizə Avropaya qaçmaq deyil, türk ordusunun yanında çiyin-çiyinə savaşmaq yaraşar.

Bu sözləri Axar.az-a açıqlamasında Güney Azərbaycan və İranın gündəm məsələləri üzrə eksperti Mehdi Nəimi deyib.

“Biz Türkiyədə beynəlxalq qoruma statusunda yaşayan Güney Azərbaycan türkləri olaraq, Avropa sərhəd qapılarının mühacirlərin üzünə açılmasına rəğmən qərbə deyil, cənuba doğru, Şanlı Türk Ordusunun yanında çiyin-çiyinə savaşmağa getmək istəyirik", - o bildirib.

Qeyd edək ki, ötən gecə Suriya rejim qüvvələrinin hücumu nəticəsində 33 türk əsgəri şəhid olub. Bunun ardınca Türkiyə ölkədəki qaçqınların Avropaya getməsini əngəlləyən qərarını dəyişib və sahil mühafizəçilərinə və polislərə qaçqınlara mane olmamaq əmri verilib.

Bu isə Avropaya çoxsaylı qaçqın axınına səbəb olub. Hətta Yunanıstan və Bolqarıstan bunun qarşısını almaq üçün sərhədə ordu toplayıb.