Xəzər Universitetinin rektoru Hamlet İsaxanlının küçədə tanışları Elin və Zaur Məmmədov qardaşları tərəfindən döyülən qızı Ülkər İsayevanın toyundan kadrları əldə etmişik.

Axar.az-ın araşdırması zamanı Ülkərin həyat yoldaşı Aydınla birlikdə toy mərasimində etdiyi rəqs və müxtəlif performanslar üzə çıxıb. 8 aprel 2012-ci ildə "Ağ saray"da keçirilən toyun Yutub sosial şəbəkəsində yayılan kadrlarının ardınca onun döyülməsini əks etdirən kadrlar təqdim olunur.

Qeyd edək ki, atasının rektoru olduğu unviersitetdə Psixologiya departamentinin koordinatoru Ülkər İsayeva martın 8-dən 9-a keçən gecə döyülüb. O, hadisədən qabaq, martın 4-də Xəzər TV-də yayımlanan "Yeri gəlmişkən" verilişində "Kompleks nə deməkdir? Kompleksdən necə azad olmaq olar" mövzusunda çıxış edib.

Qeyd edək ki, Ülkər İsayeva əvvəlcə evli olub. Bir azyaşlı qızı var. Əri Aydın Əhmədzadədən boşanmasının üstündən isə heç 1 il keçməyib. Onlar 2014-cü ilin yayında Nəsimi rayon Məhkəməsinin qərarı ilə boşanıblar.

Yayılan məlumatlarda bildirilir ki, Ülkər İsayeva 09.03.2015-ci il tarixdə Bakı şəhəri Səbail rayonu Azadlıq prospekti ilə Üzeyir Hacıbəyov küçəsinin kəsişməsində Məmmədov qardaşları tərəfindən döyülərək fiziki işgəncəyə məruz qalıb.

Döyənlərin Məmmədov Zaur Muxtar oğlu və Məmmədov Elin Muxtar oğlu olduğu bildirilir. Qardaşlar əvvəlcə saxlanılsa da, sonradan Xətai Rayon Məhkəməsi tərəfindən azad ediliblər. Baş Prokurorluq məhkəmənin bu qərarından protest verib.

Qardaşlar Rusiyanın tanınmış iş adamı Muxtar Məmmədovun oğludur. M.Məmmədovun kriminal avtoritet olduğu bildirilir.