Kollektiv Təhlükəsizlik Müqaviləsi Təşkilatının Tovuzda baş verən təxribata görə İrəvanın təkidi ilə təcili iclas çağırması və dərhal da ləğv etməsi Ermənistanda müzakirə edilməkdədir.

Axar.az xəbər verir ki, Ermənistan Müdafiə Nazirliyinin rəsmi nümayəndəsi Artsrun Ovannisyan mediaya açıqlamasında guya “hazırkı mərhələdə Kollektiv Təhlükəsizlik Müqaviləsi Təşkilatı tərəfindən hərbi yardıma ehtiyac olmadığını” deyib.

O bildirib ki, hazırkı konfliktin miqyası o qədər böyük deyil.

Qeyd edək ki, KTMT-yə 12 iyun toqquşması baş verən kimi dərhal müraciət edib yardım istəməsi haqda Ermənistan özü rəsmi açıqlama yaymışdı.