“Hər şeyə çoxdan qərar verilmişdi, hər şey çoxdan satılmışdı” tezisi yayılır. Bu, tamamilə yalandır.

Axar.az xəbər verir ki, bu barədə erməni politoloq Anjela Əlibəyova Feysbuk səhifəsində yazıb.

“Danışıqlar zamanı Sünikdən (Zəngəzur) azərbaycanlılar üçün dəhlizin açılması və Şuşanın Azərbaycana verilməsilə bağlı sənəd yox idi. Üstəlik, imzalanmış bir sənəd yox idi. Varsa, qoy indi göstərsinlər, iki ildir gözləyirik. Hətta Paşinyan bir il əvvəl həqiqi kompromislərlə bağlı daha əlverişli bir sənədin olduğunu deyir. Üstəlik, onun sözlərinə görə, müharibənin ilk günlərində hələ minimal itkilərlə sənədə imza atmaq mümkün idi”, - politoloq bildirib.

Qeyd edək ki, N.Paşinyan dəfələrlə Aprel savaşından sonra sələfi Serj Sərkisyanın Dağlıq Qarabağ ətrafındakı 7 rayonu qaytarmağa razılaşdığı, şərtlərin Azərbaycanın maraqlarına uyğun olduğunu bildirib.