Ermənistanın hərbi prokuroru Qarabağa gəlib.

Axar.az xəbər verir ki, o, Qarabağda rus sülhməramlıları ilə birgə xidmət aparan Rusiya Prokurorluğunun əməkdaşları ilə görüşüb. Ermənistanın hərbi prokuroru onları mükafatlandırıb.

Erməni hərbi prokurorun Qarabağa gəlməsinə Azərbaycanın icazə verib-vermədiyi açıqlanmayıb.

Qeyd edək ki, Prezident İlham Əliyev Ermənistan rəsmilərinin hələlik rus sülhməramlılarının nəzarəti altında olan Azərbaycan torpaqlarına qanunsuz səfərlər etməməsi barədə xəbərdarlıq etmişdi.