“Dostluq” yatağı ilə bağlı Azərbaycanla Türkmənistan arasında imzalanan memorandum uzun müddətdir ki, müzakirə olunan Transxəzər boru kəmərini canlandırır.

Bu sözləri Axar.az-a amerikalı ekspert Endryu Korıbko deyib.

Onun sözlərinə görə, Xəzərin su hövzəsinin sərhədlərinin müəyyənləşdirilməsi üçün sahilyanı dövlətlər arasındakı əlamətdar 2018 razılaşmasından sonra əvvəlki siyasi maneələr aradan qaldırıldı, bu son müqavilə də bu uğura söykənir:

“Layihənin reallaşması üçün boru kəmərinin tutumu, dəyəri və ətraf mühitə təsiri barədə daha çox araşdırma aparılmalıdır. Bu iki ölkə, məsələn, Rusiya, Türkiyə və AB kimi digər xarici tərəfdaşları bu layihəyə cəlb edə biləcəkləri haqda düşünməyə başlasa, bu, olduqca müsbət bir addım olar”.

Korıbkonun sözlərinə görə, daha böyük tendensiya ondan ibarətdir ki, Azərbaycan həqiqətən 21-ci əsrdə geostrateji gücünə görə ən mühüm dövlətlərdən birinə çevrilir:

“Azərbaycan Rusiya ilə İran arasındakı Şimal-Cənub nəqliyyat dəhlizinin, Çin və Türkiyə arasındakı orta dəhlizdən keçməklə Şərq-Qərb ticarət yollarının mərkəzində yerləşməklə yanaşı, bu vizyonu tamamlamaq üçün enerji sahəsində böyük bir potensiala sahibdir. Ölkə onsuz da Avropa Birliyinin Cənub Qaz Dəhlizinin Şərq lövhəsi kimi fəaliyyət göstərir, xüsusən TANAP bu yaxınlarda başa çatdıqdan sonra onu Türkmənistanla enerji əlaqəsi ilə genişləndirə bilər, hətta potensial olaraq Əfqanıstanla və nəticədə Pakistanla da əlaqələndirilə bilər”.