Avropa İnsan Haqları Məhkəməsi İsveçrə tərəfindən Türkiyənin Vətən Partiyasının lideri Doğu Perinçekə qarşı qaldırılan şikayət ərizəsini təmin etməyib.

Axar.az xəbər verir ki, məhkəmə Perinçekə qarşı təqdim olunan şikayət ərizəsini əsassız hesab edib.

Xatırladaq ki, Perinçek 1915 hadisələri ilə bağlı erməni iddialarını rədd edərək İsveçrədə geniş çıxış etmişdi. Çıxışdan sonra Perinçek İsveçrə hökuməti tərəfindən 2007-ci ildə müxtəlif cəzalara məhkum olunub.

Bu hadisədən sonra Perinçek İsveçrənin Avropa İnsan Haqları Konvensiyasının ifadə azadlığı ilə bağlı 10-cu maddəsini pozduğunu əsas gətirərək 2008-ci ildə Avropa İnsan Haqları Məhkəməsinə müraciət edib. AİHM 17 dekabr 2013-cü ildə İsveçrədə insan hüquqlarının pozulduğu barədə qərar verib.