2020-ci ildə Rusiyadan alınan adlı Su-30 SM döyüş təyyarələri İkinci Qarabağ müharibəsində istifadə edilmədi. Azərbaycanın Su-25 təyyarələri və “Bayraqdar TB 2” PUA-ları bu çatışmazlığa görə Ermənistanın HHM obyektlərinə və Quru Qoşunlarına ağır zərbələr endirə bildi.

Axar.az xəbər verir ki, bu sözlər Hindistanın “İndian Defence Research Wing” portalında yayımlanan “Ermənistan öz S-30 SM-ləri üçün Hindistanın təcrübəsindən istifadə etməyə maraqlıdır” (Armenia keen on India’s expertise for its SU-30 SM fleet) adlı məqalədə qeyd olunub.

Bildirilib ki, Yeni Dehli və İrəvan arasında hərbi əməkdaşlıq sahələrindən biri də bu istiqamətdədir:

“Ermənistan Hərbi Hava Qüvvələrinin kəskin tənqidlərə məruz qaldığı döyüşlər zamanı Su-30 SM-lərin istifadə olunmamasının əsas səbəblərindən biri erməni pilotların kifayət qədər hazırlıqlı olmamasıdır. Digər səbəb isə Ermənistanın Qarabağ müharibəsi başlamazdan əvvəl təyyarələr üçün raketlər ala bilməməsidir. Ölkə mediasının məlumatına görə, müharibə zamanı Ermənistanın sözügedən təyyarələr üçün əlində yalnız adi raketlər olub. Ona görə də Ermənistan indi öz Hərbi Hava Qüvvələrini Hindistan tərəfindən modifikasiya edilmiş Su-30 MKI-lər hesabına gücləndirmək istəyir. Hindistanla Ermənistan arasında hərbi əməkdaşlıq pilotların təlimlərindən tutmuş bu ölkənin Hərbi Hava Qüvvələrinin bəzi silahlarla təchiz edilməsinə qədər bir çox sahəni əhatə edə bilər. Lakin Azərbaycanla sərhəddə konfliktin davam etdiyi vaxtda hələ ki, danışıqlar aparılır...”