Ana səhifə Gündəm |
Rusiya Federasiyası Dağıstan Respublikasının rəhbəri Ramazan Abdulatipov Prezident İlham Əliyevə təbrik məktubu göndərib.
Axar.az xəbər verir ki, bu barədə Prezidentin rəsmi saytı məlumat yayıb.
"Hörmətli İlham Heydər oğlu,
Sizi doğum gününüz münasibətilə təbrik edirəm.
Dövlət başçısı vəzifəsində səmərəli fəaliyyətiniz, parlaq siyasi xadim istedadınız, Azərbaycan xalqının rifahı naminə yorulmadan çalışmağınız haqlı olaraq həm Azərbaycan Respublikasında, həm də onun hüdudlarından kənarda Sizə böyük nüfuz və hörmət qazandırıb.
Sizin rəhbərliyinizlə iqtisadiyyatda və sosial sahədə dəyişikliklər, maraqlı investisiya və mədəniyyət layihələri uğurla həyata keçirilir, Azərbaycan ardıcıl olaraq dünya arenasında öz nüfuzunu yüksəltməyə nail olur.
Rusiya və Azərbaycan xalqları tarixən zəngin qarşılıqlı fəaliyyət təcrübəsinə, mənəvi və mədəni yaxınlığa əsaslanan qardaşlıq, dostluq və mehriban qonşuluq telləri ilə bağlıdır. Əminəm ki, zamanın sınağından çıxmış bu dostluq və qarşılıqlı faydalı əməkdaşlıq bundan sonra da yalnız möhkəmlənəcək və inkişaf edəcək.
Hörmətli İlham Heydər oğlu, Azərbaycan xalqının rifahı naminə çoxşaxəli fəaliyyətinizdə Sizə yeni uğurlar, möhkəm cansağlığı, sülh və firavanlıq arzularımı qəbul edin", - təbrikdə qeyd edilib
***
Rusiya Federasiyasının Ulyanovsk vilayətinin qubernatoru Sergey Morozov Prezident İlham Əliyevə təbrik məktubu göndərib.
"Hörmətli cənab Prezident,
Ulyanovsk vilayətinin hökuməti adından və şəxsən öz adımdan Sizi doğum gününüz münasibətilə ürəkdən təbrik edirəm.
Bu əlamətdar gün münasibətilə Sizə möhkəm cansağlığı, tükənməz enerji, xoşbəxtlik və firavanlıq diləyirəm. Qoy bütün işləriniz uğurlu olsun, müvəffəqiyyət və sabitlik bütün həyatınızı müşayiət etsin.
Ulyanovsk vilayəti ilə azərbaycanlı tərəfdaşlar arasında hərtərəfli əlaqələrin inkişafına göstərdiyiniz dəstəyə görə Sizə səmimi qəlbdən təşəkkür edirəm. Ümidvaram ki, bundan sonrakı əməkdaşlığımız daha da möhkəmlənəcək və yeni müştərək layihələrlə zənginləşəcək", - təbrikdə bildirilib.
Tarix
2016.01.05 / 18:28
|
Müəllif
Axar.az
|