Yuxarı

Axar.Az Logo

Xocalıya qayıdış üçün hazırlıq işlərinə başlanıldı

Ana səhifə Gündəm
12 Punto 14 Punto 16 Punto 18 Punto

Qaçqınların və Məcburi Köçkünlərin İşləri üzrə Dövlət Komitəsinin sədri Rövşən Rzayev Xocalıdan məcburi köçkün düşmüş sakinlərin bir qrupu ilə görüşüb.

Dövlət Komitəsindən Axar.az-a verilən məlumata görə, görüşdə Prezident, Müzəffər Ali Baş Komandan İlham Əliyevin rəhbərliyi ilə 44 günlük Vətən müharibəsindən və bu günlər Qarabağ iqtisadi rayonu ərazisində aparılan 1 günlük lokal antiterror tədbirlərindən sonra yaranan vəziyyət, işğaldan azad edilmiş ərazilərə Böyük Qayıdış üzrə I Dövlət Proqramında nəzərdə tutulan tədbirlərin icrası, doğma torpaqlara geri dönüşün gedişi və perspektivləri barədə danışılıb.

Antiterror tədbirləri nəticəsində separatçı dəstənin və onun yaratdığı qeyri-qanuni qurumun iflasa uğraması, bölgədə sülh və əmin-amanlıq üçün zəruri şəraitin yaradılması dərin məmnunluq hissi ilə qeyd edilib və bu tarixi nailiyyətə görə Prezident İlham Əliyevə təşəkkür bildirilib, torpaqlarımızın işğaldan azad edilməsi, həmin ərazilərdə dövlətimizin suverenleyinin tam edilməsi uğrunda canından keçən şəhidlərin, həmçinin Xocalı soyqırımı qurbanlarının xatirəsi ehtiramla yad edilib.

Xalqımıza qarşı ağır cinayətlər törətmiş, Xocalı sakinlərini soyqırımına məruz qoymuş erməni quldurlarının tutulub ədalət mühakiməsinə verilməsi istiqamətində müvafiq dövlət qurumlarının zəruri tədbirlər həyata keçirdiyi vurğulanıb, amansız canilərin mütləq məsuliyyətə cəlb edilərək cəzalandırılacaqlarına inam ifadə olunub.

Məcburi köçkünlük dövründə dövlətdən daim diqqət və qayğı görən Xocalı sakinləri Prezident İlham Əliyevin, Birinci vitse-prezident Mehriban xanım Əliyevanın səmimi münasibətini və şəxsi dəstəyini yüksək dəyərləndiriblər. Qeyd edilib ki, işğaldan azad edilmiş ərazilərin dirçəlişi, bərpası və yenidən qurulması, Böyük Qayıdış proqramı üzrə tədbirlərin sürətlə həyata keçirilməsi, indi isə Xocalının da bərpasına və azərbaycanlı əhalinin ora geri dönüş imkanının yaranması böyük ruh yüksəkliyi doğurur.

Dövlət Komitəsinin sədri işğaldan azad edilmiş digər ərazilər kimi Xocalı rayonuna da qayıdışın səmərəli şəkildə təşkil olunması üçün başlanmış hazırlıq işləri, bununla bağlı dövlətimizin verdiyi tapşırıqlar barədə görüş iştirakçılarına ətraflı məlumat verib, onların fikir və mülahizələrini dinləyib, suallarını cavablandırıb.

Görüşdə Xocalının məcburi köçkün icmalarının nümayəndələri, ziyalılar, ictimai fəallar, həmçinin Dövlət Komitəsi yanında İctimai Şuranın üzvləri iştirak ediblər.

Tarix
2023.09.29 / 12:25
Müəllif
Axar.az
Şərhlər
Digər xəbərlər

Mirzoyan Blinkenlə görüşdü, Bakı ilə əlaqələrdən danışdı

Arutyunyanın sensasion ifadəsi: Gəncəyə atəş əmrini o verib

Litvalı deputatlar Azərbaycan sərhədinə gəldi

Paşinyan göstəriş verib, azərbaycanlılar geri qayıdacaq

“AzərEnerji”dən zəlzələ olan ərazilərlə bağlı məlumat

AB Ermənistan ordusuna yardıma hazırlaşır

Ərdoğan TŞ-ni topladı: Qafqazda sülh müzakirəsi...

FHN-dən Mingəçevirdəki zəlzələ ilə bağlı açıqlama

Bakıda saxlanılan cinayətkarlar Şahramanyana zəng etdi...

Naxçıvanın 2024-cü il büdcəsi ilə bağlı açıqlama

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla