Ana səhifə Gündəm |
Oğuz rayonunda iqtisadiyyatın real sektorunun, o cümlədən kənd təsərrüfatının, emal sahəsinin, xüsusilə də turizmin inkişafı üçün münbit şərait var. Yerli icra hakimiyyəti orqanları bu potensialdan səmərəli istifadə üçün əhali ilə birgə əməli tədbirlər həyata keçirməlidir.
AzərTac xəbər verir ki, bu sözləri Hesablama Palatasının sədri Vüqar Gülməmmədov Oğuz rayonunda ictimaiyyət nümayəndələri ilə görüş çərçivəsində jurnalistlərə müsahibəsində deyib.
Palata sədri bildirib ki, Prezident İlham Əliyev tərəfindən mövcud şəraitə uyğun yeni iqtisadi inkişaf strategiyası müəyyən edilib. Oğuz rayon ictimaiyyətinin nümayəndələri ilə bugünkü görüşdə də həmin strategiyadan irəli gələn vəzifələr müzakirə olundu.
Azərbaycan Prezidentinin müəyyən etdiyi konsepsiyanın tələblərinə uyğun olaraq, görüşdə diqqətin üç əsas məsələyə yönəldildiyini vurğulayan Vüqar Gülməmmədov deyib: "Birinci məsələ sahibkarlığın inkişafı ilə bağlıdır. Digər əsas məsələ dövlət büdcəsinin xərc və gəlirlər sisteminə yeni baxışın təşkilidir. Üçüncü mühüm məsələ isə məmur-vətəndaş münasibətləridir. Bu münasibətlər sağlam məcrada inkişaf etməlidir".
Tarix
2016.02.06 / 20:19
|
Müəllif
Axar.az
|