Azərbaycan delimitasiyanı yalnız onun üçün faydalı olan yerdə aparacaq.

Axar.az xəbər verir ki, bunu Ermənistanın keçmiş müdafiə naziri Seyran Ohanyan parlamentdə keçirdiyi brifinqdə delimitasiya komissiyalarının reqlamentinin mətnini şərh edərkən deyib.

“Əsasnamədə mövcud olan ziddiyyətlər Konstitusiya Məhkəməsi tərəfindən təsdiq olunarsa, Azərbaycanın Ermənistana təzyiq göstərməsi üçün əsas olacaq. Orada ən azı iki qeyri-real məqam var. Birincisi, Almatı Bəyannaməsinin bəndinə dəyişiklik edilməsinin mümkünlüyünə, ikincisi, müəyyən ərazilərdə delimitasiya və demarkasiyanın aparılmasının mümkünlüyünə aiddir. Azərbaycan harda öz maraqlarına uyğun delimitasiya aparmaq istəyirsə, bunu edəcək. İstəmədiyi yerdə olmayacaq. Azərbaycan Konstitusiya Məhkəməsinin icazəsindən İrəvana daha çox təzyiq göstərmək üçün istifadə edəcək”, - o bildirib.