Zəngəzur dəhlizi layihəsi çərçivəsində Azərbaycan Ağbəndə qədər həm dəmir yolu, həm də avtomobil yolu çəkir. Bu tunel onunla bağlıdır. Ermənistan ərazisindən keçən bir tunel deyil.

Axar.az xəbər verir ki, bu sözləri iqtisadçı ekspert Natiq Cəfərli Zəngəzur dəhlizinin sosial şəbəkələrdə yayılan görüntülərini şərh edərkən deyib.

“Bir də Ermənistandan keçəcək Zəngəzur dəhlizinə paralel olaraq Araz çayının digər sahilində, İran ərazisində də Naxçıvana avtomobil yolu çəkilir. Orada da həm tunel, həm körpü, həm də digər işlərin görülməsi ilə bağlı işlər gedir. Yəqin ki, bu görüntülər onunla bağlıdır”, - o əlavə edib.