ATƏT-in Minsk Qrupunun həmsədr dövlətləri xarici işlər nazirləri ilə ayrılıqda görüşüb Qarabağ məsələsi üzrə təklifləri müzakirə etməlidirlər.

Bu sözləri Axar.az-a açıqlamasında millət vəkili, politoloq Rasim Musabəyov deyib. Deputat bildirib ki, bu kimi məqamlar işçi qaydada olan bir tədbirdir və təkliflərin görüş öncəsi xarici işlər nazirləri səviyyəsində dəyərləndirilməsi mühüm əhəmiyyət kəsb edir

"Həmsədr dövlətlərdən çox şey asılıdır. Yeddi və ya beş rayonun qaytarılması üçün bir yol var - Qarabağ münaqişəsi bitməli və dərhal sülh sazişi imzalanmalıdır. Yəni konkret sənədlər imzalanmadıqca ermənilər Azərbaycan torpaqlarından geri çəkilməyəcək. İyun görüşü də məhz sülh prosesinə hazırlıq mərhələsidir. Bir sözlə, Dağlıq Qarabağ siyasi prosesi ilə bağlı bütün təkliflər çoxdan masadadır".

Qeyd edək ki, sonuncu dəfə mayın 16-da Vyanada görüşən Azərbaycan və Ermənistan prezidentləri növbəti dəfə iyunda bir araya gələcəklər.