İran və Ermənistanın Norduz sərhədində birgə hərbi manevr keçirməsi İranın öz sərhədlərini müdafiə etməkdə ciddiliyini nümayiş etdirir. İran öz qırmızı xətlərini müdafiə etməkdə, yəni Cənubi Qafqazda İran-Ermənistan sərhədini saxlamaqda kifayət qədər ciddidir.

Axar.az xəbər verir ki, bunu antiazərbaycan mövqeyi ilə tanınan iranlı ekspert Ehsan Müvəhhedian 9-10 apreldə keçirilən Ermənistan-İran hərbi təlimləri haqda deyib.

“İsrail və Britaniya Zəngəzur dəhlizini açmaq üçün İran-Ermənistan sərhədini kəsmək fikrindədir. İrana qonşu olan bəzi dövlətlər İranla Ermənistan arasında sərhədi kəsməyə çalışır və ya bu barədə düşünürlərsə, Tehran buna imkan verməyəcək”, - o əlavə edib.