Gözlərimə qan sızıb, hazırda özümü çox pis hiss edirəm.

Bunu Report-a açıqlamasında Azərbaycan Dövlət Gənc Tamaşaçılar Teatrının aktyoru, əməkdar artist Naibə Allahverdiyeva deyib.

Aktrisa müalicə aldıqdan sonra səhhətinin düzəldiyini qeyd edib: "İşə, çəkilişlərə gedə bilirəm. Ancaq bu gün pis olmuşam. Gözlərimə də qan sızıb. Buna görə də özümü çox pis hiss edirəm".

O, serial çəkmək niyyətini də dilə gətirib: "Qarşıda bir çox planlarım var, ən əsası isə serial çəkmək istəyirəm. Təbii ki, bu işdə yanımda rejissor olacaq. Nicat Manafovun serialında iştirak etmək üçün təklif almışam. Bundan əlavə özüm bir monotamaşa hazırlamaq istəyirəm".