Ana səhifə Hadisə |
21:12
Bu dəqiqələrdə Türkiyənin şahzadələr şəhəri Manisada, Süleyman Dəmirəl Mədəniyyət Mərkəzində Azərbaycanın Müstəqillik Həftəsi çərçivəsində Bəxtiyar Vahabzadə və Abdurrahim Qarakoça həsr edilən mərasim keçirilir.
Axar.az xəbər verir ki, Azərbaycandan millət vəkili Qənirə Paşayevanın rəhbərlik etdiyi nümayəndə heyətinin də qatıldığı törən qardaş ölkələrin milli marşları ilə başladı.
Türkiyənin teatr və kino sənətçisi Əhməd Yenilməzin idarə etdiyi törəni Manisa millət vəkili, AKP sədrinin yardımçısı Səlcuq Özdağ açdı. Azərbaycana böyük sevgisini ifadə edən Özdağ Türkiyə və Azərbaycanın müstəqillik savaşından danışdı.
Daha sonra Necdət Ünü də daxil olmaqla digər millət vəkilləri, həmçinin Qənirə Paşayeva çıxış edib, Bəxtiyar Vahabzadə yaradıcılığını müstəqillik tarixinin bir parçası olaraq təqdim etdilər.
***
Mərasimdə türkiyəli və azərbaycanlı sənətçilər də iştirak edir.
Gülyanaq və Gülyaz Məmmədova bacılarının ifasının ardınca türkiyəli Səhər Çağatay səhnəyə çıxıb.
Gecəyə Azərbaycandan şairlər də dəvət edilib.
"TRT Avaz" tədbiri canlı yayımlayır.
Törən davam edir...
Tarix
2017.10.21 / 21:28
|
Müəllif
Aytac Araz
|