220 saylı məktəb-liseyin direktoru ilə etdiyi mübahisənin video görüntüsü yayılan məşhur aktyorun Vikipediyadakı səhifəsində təxribat edilib.

Kult.az xəbər evrir ki, bu barədə jurnalist Elnur Eltürk Feysbukda məlumat paylaşıb.

“Dolu” filminin “Drakon”u Rza Rzayevin diektorla məlum mübahisə videosundan sonra aktyorun Vikipediya shifəsinə nalayiq ifadələr əlavə edilib. Hələlik, tam olaraq kim və ya kimlər tərəfindən edildiyi bəlli olmasa da, problem “Azərbaycanca Vikipediya"nın idarəçisi Nihat Vəlizadə tərəfindən aradan qaldırılıb.

Qeyd edək ki, 220 saylı məktəb-liseyin direktoru onunla söhbət üçün otağına gələn "Dolu" filminin məşhur aktyoru Rza Rzayevlə öz otağında olan mübahisənin video-görüntüsünü yayıb. Yayılan videoda aktyor R.Rzayev direktor T.Mirzəyevlə məktəbin direktor müavini olan bacısı Zeynəb Rzayevanın işdən çıxarılmasına görə mübahisə edirlər. Mübahisə zamanı məşhur aktyor ailə məsələsi olduğuna görə direktora qəzəblənir və söz davası zamanı onu təhqir edir.