Güney Azərbaycanın Ərdəbil şəhərinin məşhur Şeyx Səfi Kompleksinə giriş biletində Fars Əyalətində yerləşən “Təxti-Cəmşid”in görüntüsü əks olunub.

Kult.az xəbər verir ki, azərbaycanlı internet istifadəçiləri biletlərin bu formatda çıxarılmasına etiraz ediblər.

“Bu, artıq müstəmləkəçilikdir” posterini paylaşan etirazçılar İran rəsmilərinin Güney Azərbaycana qarşı apardıqları irqçi siyasəti pisləyiblər.

Qeyd edək ki, İran Mədəni İrs Təşkilatı uzun illərdir Güney Azərbaycanda muzey və turizm məkanlarına giriş biletlərində fars bölgələrinə aid olan əsasən “Təxti-Cəmşid”, Pasarqad və İsfahanın İmam Məscidinin görüntüsünü əks etdirir. Biletlərdə Azərbaycan şəhərlərinə aid heç bir əsər-əlamət yoxdur. Bu məsələ Azərbaycan türklərinin kəskin etirazına səbəb olsa da, biletlərdə heç bir dəyişiklik edilmir.