Ana səhifə Hadisə |
Azərbaycanın görkəmli şairi, mütəfəkkiri İmadəddin Nəsiminin “Sığmazam” qəzəlinin təhrif olunmuş variantının meyvə şirəsi qutusunun üzərinə vurulması sosial şəbəkələrdə müzakirə mövzusuna çevrilib.
Kult.az xəbər verir ki, sosial şəbəkə istifadəçiləri görkəmli şairin əsərinin biznes maraqları üçün istifadə edilməsinin qəbuledilməz olduğunu bildiriblər.
Məlumata görə, narazılığa səbəb olan “Vita 1000” şirəsi “Azqranata” şirkətinə məxsusdur.
Bu şirələr bir neçə ildir istehsal olunsa da, müğənni Afət Fərmanqızının “Pəncü-şeş” adlı hind mahnısı üzərində “Sığmazam” qəzəlini təhrif olunmuş formada oxumasından sonra gündəmə gəlib.
Qeyd edək ki, Prezident İlham Əliyev 2019-cu ili “Nəsimi İli” elan edib. Məhz bundan sonra şairin özünə və yaradıcılığına olan hər hansı hörmətsizlik cəmiyyətdə etirazla qarşılanır, qınaq obyektinə çevrilir.
Tarix
2019.03.13 / 16:33
|
Müəllif
Aqşin
|