Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
11 Avqust 2020


Şəmkirdəki dəhşətli qəzanın təfərrüatı

Ana səhifə Hadisə
12 Punto 14 Punto 16 Punto 18 Punto

Dekabrın 1-də Şəmkir rayonunda "Mitsubişi Pajero" və VAZ-21011 markalı avtomobillərin toqquşması nəticəsində baş verən ağır yol qəzasının təfərrüatı məlum olub.

Report-un xəbərinə görə, 1-i azyaşlı olmaqla 5 nəfərin öldüyü qəza ilə bağlı araşdırmalar davam etdirilir.

İlkin araşdırmalar nəticəsində məlum olub ki, "Mitsubişi" markalı avtomobilin sürücüsü, 1983-cü il təvəllüdlü Abdıyev Tural Aydın oğlu toydan çıxaraq taksi ilə evinə gedib. O, evə çatdıqdan sonra özünə məxsus avtomobilə əyləşərək siqaret almaq üçün marketə yollanıb. Sərxoş vəziyyətdə olan T.Abdıyev idarəetməni itirərək VAZ-21011 markalı avtomobillə toqquşub. Nəticədə VAZ-21011 markalı avtomobildə olan sürücü və onun ailə üzvləri ölüb.

Qəzanı törədən sürücü barəsində isə cinayət işi başlanılıb və o, həbs edilib.

Məlumata görə, VAZ-21011 markalı avtomobildəki sürücü və ailəsi, eləcə də qəza törədən sərxoş sürücü eyni toy məclisində olublar. VAZ-21011 markalı avtomobilin sürücüsü sərxoş sürücünün yeznəsinin qardaşı, ölənlərdən biri isə elə öz yeznəsidir.

Bu hadisə son günlərin vacib və aktual bir məsələsini gündəmə gətirib. Belə ki, ilin son aylarında toy mərasimlərinin tez-tez keçirilməsi səbəbindən sərxoş sürücülərin iştirakı ilə baş verən yol qəzalarının sayının artması müşahidə olunur. Lakin nədənsə sərxoş sürücülərin qəza törətməmiş vaxtında aşkarlanması üçün Dövlət Yol Polisi əməkdaşlarının restoranların, kafelərin, şadlıq saraylarının və digər istirahət obyektlərinin yaxınlığında nəzarəti gücləndirərək reydlər keçirməsi bəzi insanların narazılığına səbəb olur və ictimai qınaq lazımi istiqamətə yönəldilmir. Yəni bəzi şəxslər sosial şəbəkələrdə qaragüruh salaraq bu təhlükəsizlik tədbirlərini əhalinin incidilməsi kimi qələmə verməklə, bəlkə də, özləri də bilmədən sürücülərin sərxoş vəziyyətdə avtomobil idarə etmələrinə şərait yaratmış olurlar.

Yol polisi isə hesab edir ki, vətəndaşlar da bu məsələyə düşünülmüş şəkildə yanaşmalı, sürücülərin sükan arxasına sərxoş vəziyyətdə əyləşməsinə yol verməməli, bu işdə aktivlik göstərməli, lazım gələrsə, sərxoş sürücülər barədə polisə məlumat verməlidir: “Heç kim istəməz ki, yaxını, tanışı içkili halda maşın sürüb faciə törətsin. Ona görə də vətəndaşlar özləri bu cür insanları sükan arxasına keçməkdən çəkindirməli, nəyin bahasına olursa olsun həmin şəxslərin avtomobil idarə etməsinə imkan verməməlidirlər. Çünki sərxoş sürücünün ani bir diqqətsizliyi faciəvi hadisəyə yol aça bilir.

Maraqlısı odur ki, bu qəzanın səbəbkarı olan sürücü sərxoş vəziyyətdə evdən çıxarkən ailə üzvləri tərəfindən ona “dur” deyən olmayıb. Bu cür hallarda sürücünün yaxınları ona sərxoş olduğunu bildirməli və avtomobili idarə etməkdən yayındırmalıdırlar. Sürücü buna məhəl qoymazsa, dərhal polisə məlumat vermək lazımdır. Qoy polis onu saxlayıb 400-500 manat cərimə etsin, amma yol qəzası törədib kiminsə ailəsinə faciə yaşatmasın. Bizdə bəzən polisə məlumat verən şəxslərin hərəkəti normal qəbul olunmur”.

Tarix
2019.12.06 / 18:24
Müəllif
Axar.az
Şərhlər
Digər xəbərlər

Batma təhlükəsi ilə üzləşən 7 nəfər xilas olundu

Ağdamda ev yandı

İsraildə brilyantdan tibbi maska hazırlanır

Antonio Banderas koronaya yoluxdu

Azərbaycanda zəlzələ oldu

İcra başçısının müavinini avtomobil vurdu

Məşhur aktrisa 101 yaşında vəfat etdi

Masallıda meşə ərazisində yanğın...

Aeroport yolunda təhlükəli anlar yaşandı... - Video

Hacıqabuldakı güclü yanğın söndürüldü

KULT
<>
Xəbər xətti
 
  
  
  
  
yatsan
Axar.az'da reklam Bağla
Reklam
Bize yazin Bağla